NUMERI 22:32 - Ombibeli Iyapuki

³² Nomweengeli wOmwene okwa pula kuye: “Omolwashike wa denga nokuli lutatu ondongi yoye? Tala, Ame mwene nda fikama nde uya oku ku kelela, osheshi ondjila ei yoye oi noiponga momesho ange.

NUMERI 22:32 Referans Kwoze

OILONGA YOVAYAPOSTOLI 13:10

ndele ta ti: “Omona waSatana ove, ou yadi oihelele noukolokoshi keshe, ove omutondi wouyuki aushe, ito efa nande okupengifa eendjila da yuka dOmwene.

OMAYELETUMBULO 28:18

Ou ha ende nouyuki ota ka kwafwa, ndelenee ou ta ende nokutengatenga neendjila, ota wile po.

NUMERI 22:22

Ndelenee ehandu laKalunga la xwama, ye eshi a ya. Ndele omweengeli wOmwene okwa kala ofika mondjila oku mu kelela, eshi a londa ondongi yaye novapiya vaye vavali ve mu findikila.

OMAYELETUMBULO 28:6

Ohepele oyo tai ende ihe noshipo, i dule oshipuna tashi ende neendjila mbali.

OMAYELETUMBULO 14:2

Ou ta ende moshili, ye ota tila Omwene. Ndelenee ou e neendjila da penga ote mu dini.

MIKA 6:5

Oshiwana shange, dimbulukwa hano Balak, ohamba yaMoab, eshi kwa li a diladila naashi a nyamukulwa kuBileam yaBeor mondjila yokudja mo muSittim nofiyo okuGilgal, opo u dimbulukwe oilonga ya yuka yOmwene.

JONA 4:11

Ndelenee Ame ohandi kala ngahelipi ngeno, ndiha yehamene Ninive, oshilando shinene shi novanhu ve dule omayovi efele nomafele omilongo mbali vehe shii okutongola eke lolulyo nolumosho, nomu na yo oimuna ihapu?

OMAPSALOME 147:9

ndele ta pe oinamwenyo eendja, nomakolwena tae mu kwenene.

OMAPSALOME 145:9

Kalunga omuwa kwaaveshe, nohole yaye ya nyananana kovashitwa vaye aveshe.

OMAPSALOME 36:6

Ouyuki woye owa pama ngaashi eemhunda daKalunga, omatokolo oye oku li ngaashi oule womeva efuta; Omwene, Ove to kwafa omunhu noshinamwenyo.

DEUTERONOMION 25:4

“Ongobe tai xu moshipale, ino i manga komulungu.

DEUTERONOMION 23:4

Osheshi vo, nye eshi mwa dja muEgipiti, inave mu shakeneka mondjila nomingome nomeva. Ndele vo va yandja ondjabi kuBileam yaBeor, ou a dja muPetor muMesopotamia, oku mu lyangula.

NUMERI 22:35

Nomweengeli wOmwene okwa lombwela Bileam: “Inda pamwe novalumenhu, ndelenee ondjovo ei aike, Ame handi ku lombwele, u noku i popya.” Opo nee hano Bileam okwa ya novakulunhu vaBalak.

NUMERI 22:28

Ndelenee Omwene okwa makulifa okanya kondongi ndee tai ti kuBileam: “Ame nde ku ninga shike eshi wa denga nge lutatu nokuli?”

NUMERI 22:20

Ndele Kalunga e uya kuBileam oufiku ndee ta ti kuye: “Ovalumenhu eshi ve uya oku ku ifana, fikama hano, inda navo. Ndelenee u nokuninga ashike eshi Ame handi ku lombwele.”

NUMERI 22:33

Ndelenee ondongi ya mona nge ndele ya kanduka ko komesho yange lutatu. Oyo ngeno inai kanduka ko komesho yange, ngeno nde ku dipaa, ndelenee ondongi handi i efa i nomwenyo.”

OMAYELETUMBULO 16:2

Eendjila adishe domulumenhu oda yela momesho aye, ndelenee Omwene ta konakona eemhepo.