NUMERI 21:33 - Ombibeli Iyapuki

³³ Opo nee Ovaisraeli va aluka ko ndele va ya nondjila yokuBasan. Ndele Og, ohamba yaBasan, oyo pamwe nomatanga ayo aeshe ovakwaita ova ya oku va shakeneka kuEdrei ve ke va lwife.

NUMERI 21:33 Referans Kwoze

JOSUA 13:12

Nouhamba aushe waOg muBasan, ohamba yomuAstarot noyomuEdrei, yo ya li imwe yomOvarefai ava va xupa. Ndele Moses okwe va taataa nokwe va halakanifa.

DEUTERONOMION 29:7

Ndele nye eshi mwa fika ponhele ei, Sihon, ohamba yaHesbon, naOg, ohamba yaBasan, oda fikama, di tu lwife, ndelenee fye otwe di taataa,

DEUTERONOMION 1:4

ye eshi a taataa muEdrei Sihon, ohamba yOvaamori yomuHesbon naOg, ohamba yaBasan, ei ya kala muAstarot.

AMOS 4:1

Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni!

HESEKIEL 39:18

Nye otamu ka lya ombelela yovaladi ndele tamu ka nwa ohonde yovapangeli vedu, nohonde eedi neemhedi noudjona, oikombo neemhedi, eengobe noimuna ya ondolwa muBasan.

HESEKIEL 27:6

Oipilulifo yoye vo ve i honga momyandi domuBasan. Oshituvikondudu ve shi ninga nomiti domihongo da dja kominghulo dokuKipro nosha fewekwa nekipa londjaba.

JESAJA 33:9

Edu otali nyika oluhodi, tali notelwa; Libanon osha fya ohoni, efilu laSaron la shituka ombuwa, Basan naKarmel oda yaumuka omafo.

OMAPSALOME 68:15

Omhunda yaBasan, omhunda oove yaKalunga, omhunda yaBasan, oove ou, u na eexulo dihapu.

OMAPSALOME 22:12

Onda kondekelwa keengobe deemhedi dihapu, eengobenghono domuBasan da shakena nge;

JOSUA 13:30

Omukunda wavo oyou: okudja kuMahanaim, Basan ashishe, oshilongo ashishe shaOg, ohamba yaBasan nomikunda adishe daJair muBasan, oilando omilongo hamano.

JOSUA 12:4

noshilongo shaOg, ohamba yaBasan, yo ya li mwaava va xupa vomOvarefai, ava va kala muAstarot nomuEdrei,

JOSUA 9:10

naashishe Ye e shi ningila eehamba odo mbali dOvaamori langhele kwinya yaJordan nokutya, Sihon, ohamba yaHesbon, naOg, ohamba yaBasan, ei ya li muAstarot.

DEUTERONOMION 32:14

omaadi eengobe nomashini eedi, pamwe nomakaadi oudjona needi deemhedi. Eengobe deemhedi domuBasan noikombo pamwe nounyenye woilya. Ove wa nwa ohonde yeeviinyu, omaviinyu taa eta onhutu.

DEUTERONOMION 4:47

Ndele vo ova nangala oshilongo shaye noshilongo shaOg, ohamba yaBasan; eehamba odo mbali dOvaamori koushilo waJordan, langhele kepito letango,

NUMERI 32:33

Osho ngaha hano Moses a pa ovana vaGad novana vaRuben netata lepata laManasse yaJosef, oshilongo shaSihon, ohamba yOvaamori, noshilongo shaOg, ohamba yaBasan, oshilongo noilando yomusho nomikunda dasho, oilando yoshilongo keembinga adishe dasho.

OMAPSALOME 68:22

Omwene okwa tya: “MuBasan nda hala ndi va alule mo, heeno, ohandi va kufa moule womeva, ndi va shunife,

OMAPSALOME 135:11

Sihon, ohamba yOvaamori, naOg, ohamba yomuBasan, nomauhamba aeshe omuKaanan,

OMAPSALOME 136:20

naOg, ohamba yomuBasan, osheshi alushe ouwanghenda waye tau kala po.

DEUTERONOMION 2:30

Ndelenee Sihon, ohamba yaHesbon, okwa li ina hala fye tu tauluke moshilongo shaye. Osheshi Omwene Kalunga koye okwa kukutika omhepo yaye nokwa kukutika omutima waye, opo e mu yandje momake oye nongaashi a tonga yo.