NUMERI 21:26 - Ombibeli Iyapuki

²⁶ Osheshi Hesbon sha li oshilando shaSihon, ohamba yOvaamori. Ye okwa li e lidengifa ohamba yonale yOvamoab, nokwa kufa meke laye oshilongo shaye ashishe fiyo okuArnon.

NUMERI 21:26 Referans Kwoze

NUMERI 21:25

Osho ngaha hano Ovaisraeli va nangala oilando ei aishe, nOvaisraeli va kala moilando aishe yOvaamori muHesbon nomomikunda dasho adishe.

NUMERI 21:27

Onghee hano ovatoti voitevo otava ti: “Ileni kuHesbon! Oshilando shaSihon nashi tungwe, nashi pamekwe nohotekuma!

OVATOKOLIPANGELI 11:26

Israel a kala muHesbon nomuAroer nomikunda dasho nomoilando aishe oyo i li pomunghulo waArnon omido omafele atatu. Molwashike inamu i kufa po mefimbo linya?

EIMBILOELELA 7:4

Ofingo yoye i li ngaashi oshungongulu yomayoo ondjaba, omesho oye ngaashi omatale omuHesbon poshivelo shaBat-Rabbim. Eyulu loye ngaashi oshungongulu yomuLibanon, ya taalela Damaskus.

JEREMIA 48:45

Momudile waHesbon omu novainhapo va loloka. Osheshi omundilo wa dja muHesbon nomuSihon mwa dja elaka lomundilo, lo ola lungwinifa ombadu yaMoab noluwewe lovalumenhu va weelela.

DEUTERONOMION 1:4

ye eshi a taataa muEdrei Sihon, ohamba yOvaamori yomuHesbon naOg, ohamba yaBasan, ei ya kala muAstarot.

JOSUA 13:16

va pewa omukunda okudja kuAroer shi li komunghulo womulonga waArnon, oshilando shopokati kefilu nedu alishe la tumba la lalakana fiyo okuMedeba.

JOSUA 13:17

Hesbon noilando yasho aishe ei i li medu la tumba la lalakana, Dibon naBamot-Baal, naBet-Baal-Meon,

JOSUA 13:25

va pewa ngaashi omukunda wavo Jaeser noilando aishe yaGilead netata loshilongo shovana vaAmmoni fiyo okuAroer sha ama koushilo waRabba,

JOSUA 21:39

Hesbon noulifilo washo, Jaeser noulifilo washo: aishe kumwe oilando ine.

EIMBILOELELA 7:5

Omutwe woye tau tumbu ngaashi Karmel, neexwiki dokomutwe woye da fopurpuri, ohamba ya kwatwa kudo.

JEREMIA 48:2

Etumbalo laMoab la xula po. Otashi diladililwa omupya muHesbon ndele tava ti: “Tu yeni tu ke shi ngumauneni po filufilu, shiha kale vali oshiwana.” Naave yo Madmena, oto ka hanaunwa po. Eongamukonda tali ke ku shikula.

JEREMIA 48:20

Moab osha fifwa ohoni, osheshi sha teka po. Lileni nokukema. Vilikileni pomakuma aArnon: Moab sha tewa!