NUMERI 21:25 - Ombibeli Iyapuki

²⁵ Osho ngaha hano Ovaisraeli va nangala oilando ei aishe, nOvaisraeli va kala moilando aishe yOvaamori muHesbon nomomikunda dasho adishe.

NUMERI 21:25 Referans Kwoze

AMOS 2:10

Nosho yo nde mu kufa medu laEgipiti ndele nde mu endifa omido omilongo ine mombuwa, opo mu nangale edu lOvaamori.

HESEKIEL 16:53

“Ndele Ame ohandi ka lundulula okukala kwavo, okukala kwaSodom novana vaye oukadona, nokukala kwaSamaria novana vaye oukadona. Ndele Ame ohandi ka lundulula okukala kwoye, ove ou u li pokati kavo,

HESEKIEL 16:49

Tala, oulunde womumwanyoko omukainhu Sodom owo: ye novana vaye oukadona va kala melinenepeko nomeloolo leendja nometulumuko lihe na oshisho, ndelenee ye ina pameka okwooko kwohepele nokwomukwanaluhepo.

HESEKIEL 16:46

Ndele omukulu woye omukainhu oye Samaria, ye pamwe novana vaye oukadona, ava ve li koumbangalanhu woye. Ndelenee ondenge yoye omukainhu, ou e li koumbuwanhu woye, oye Sodom novana vaye oukadona.

JEREMIA 48:45

Momudile waHesbon omu novainhapo va loloka. Osheshi omundilo wa dja muHesbon nomuSihon mwa dja elaka lomundilo, lo ola lungwinifa ombadu yaMoab noluwewe lovalumenhu va weelela.

JEREMIA 48:34

Onghuwo ei yomuHesbon otai udika fiyo okuEleale nofiyo okuJahas. Otava yelula ondaka yavo tai udika muSoar fiyo okuHoronaim, fiyo okuEglat-Selisija, osheshi nomeva enya omuNimrim otaa shituka ombuwa.

JEREMIA 48:2

Etumbalo laMoab la xula po. Otashi diladililwa omupya muHesbon ndele tava ti: “Tu yeni tu ke shi ngumauneni po filufilu, shiha kale vali oshiwana.” Naave yo Madmena, oto ka hanaunwa po. Eongamukonda tali ke ku shikula.

JESAJA 15:4

Hesbon naEleale otava ingida; nokulila kwavo okwa udika fiyo okuJahas; onghee hano ovalumenhu ovahomoni vaMoab otava keme nomwenyo waye otau kakama.

EIMBILOELELA 7:4

Ofingo yoye i li ngaashi oshungongulu yomayoo ondjaba, omesho oye ngaashi omatale omuHesbon poshivelo shaBat-Rabbim. Eyulu loye ngaashi oshungongulu yomuLibanon, ya taalela Damaskus.

DEUTERONOMION 2:12

NOvahori ova li yo nale muSeir. Ndelenee ovana vaEsau, ve va taataa moshilongo shavo, ndele ve va halakanifa po ndele va tula monhele yavo, naanaa ngaashi Ovaisraeli va ninga edu olo ve li pewa oshilongo shavo kOmwene.

NUMERI 21:31

Osho ngaha hano Ovaisraeli va nangala oshilongo shOvaamori.

NUMERI 21:26

Osheshi Hesbon sha li oshilando shaSihon, ohamba yOvaamori. Ye okwa li e lidengifa ohamba yonale yOvamoab, nokwa kufa meke laye oshilongo shaye ashishe fiyo okuArnon.

OVATOKOLIPANGELI 11:26

Israel a kala muHesbon nomuAroer nomikunda dasho nomoilando aishe oyo i li pomunghulo waArnon omido omafele atatu. Molwashike inamu i kufa po mefimbo linya?

NUMERI 32:3

“Atarot naDibon naJaeser naNimra naHesbon naEleale naSebam naNebo naBehon,

JOSUA 24:8

Opo nee Ame nde mu eta medu lOvaamori ava va kala moushilo waJordan, ndele vo ove mu lwifa. Ndelenee Ame onde va yandja momake eni, opo mwa nangala oshilongo shavo, ndele Ame onde va taataa komesho yeni.