NUMERI 20:8 - Ombibeli Iyapuki

⁸ “Kufa onhaili, shiva eongalo, nye nomumwanyoko Aron, ndele lombweleni emanya moipafi yavo. Opo nee lo otali ka yandja omeva alo. Osho ngaha hano to va kungulukifile omeva, ndee to nwefa eongalo noimuna yavo.”

NUMERI 20:8 Referans Kwoze

EXODUS 4:17

Kufa hano onhaili ei meke loye, nayo u nokuninga omadidiliko.”

EHOLOLO 22:17

Omhepo nomuvalekwa otava ti: “Ila!” Naau te shi udu, na tye: “Ila!” Naau ta fi enota, ne uye, naau a hala, na tambule omeva omwenyo oshali.

JESAJA 43:20

Oifitukuti yomoixwa otai ka fimaneka nge, ouvandje neemho, osheshi handi tondokifile omeva mombuwa, nomilonga mofuka, opo oshiwana shange, oshihoololwa shange shi nwe.

EHOLOLO 22:1

Ndele okwa ulikila nge omulonga womeva omwenyo, wa yela wa fa okristali tau uluka molukalwapangelo laKalunga nolOdjona.

OILONGA YOVAYAPOSTOLI 1:14

Ndele ovo aveshe ova kala nomutima umwe va diinina mokwiilikana pamwe naMaria, ina yaJesus, novakainhu oovakwao pamwe novamwaina vaJesus ovalumenhu.

JOHANNES 16:24

Fiyo onena onye inamu indila sha medina lange. Indileni ndele tamu pewa, ehafo leni li kale la wanenena.

LUKAS 11:13

Hano nye ava muvai, ngeenge omu shii okupa ovana veni oipewa iwa, unene tuu Xo yeni yomeulu ota yandje Omhepo Iyapuki kwaava tave mu indile.”

MATEUS 21:21

Ndelenee Jesus okwe va nyamukula: “Oshili handi mu lombwele: ngeno mu neitavelo, nye itamu limbililwa, ngeno otamu dulu hasheshi ashike, omukwiyu eshi wa ningwa, ndele ngeno otamu lombwele omhunda ei: ‘litumba po, ove u liundulile mefuta’, ngeno otashi ningwa.

JESAJA 48:21

Ndele vo inava fya enota, eshi e va endifa mombuwa; okwe va kungulukifila omeva memanya, okwa panda emanya nomeva okwa kunguluka mo.

OMAPSALOME 114:8

ou ta shitukifa emanya ediva, eenghungumanya di ninge ofifiya.

OMAPSALOME 105:41

okwa taula emanya, ndele tali di omeva taa kungulukile poshi, ndele taa tondokele momatunda ngaashi omulonga;

OMAPSALOME 33:9

Osheshi Ye okwa popya, ndele sha ningwa, okwa lombwela, ndele osha monika.

NEHEMIA 9:15

Mondjala yavo Ove we va pa omungome tau di keulu, ndele menota lavo we va kungulukifila omeva taa di memanya, nowe va lombwela va ye va ka nangale oshilongo osho we shi va udanekela neano u shi va pe.

JOSUA 6:20

Opo nee ovanhu va ingida unene ndele va shika omanghuma. Oshiwana eshi sha uda ondaka yenghuma, osha lokosha pombada. Nohotekuma ya ngumauka po monhele yayo, ndele ovanhu va londa va ya moshilando, keshe umwe a yukilila, ndele va nangala oshilando.

JOSUA 6:5

Ndele vo ngeenge tava shiki omanghuma eembinga deedi deemhedi mokutwaalela, nye ngeenge tamu udu ondaka yomanghuma, ovanhu aveshe ve nokuyelula ondaka nokwiingida pombada. Opo nee ohotekuma yoshilando tai ka ngumauka po monhele yayo. Novanhu ve nokutotela mo, keshe umwe ta yukilile.”

NUMERI 21:18

Omufima wa xupwa keehamba, novakomesho vomoshiwana ve u pandifa omapangelodibo avo, neenhaili davo!” Ndele mokudja mombuwa vo ve uya kuMattana.

NUMERI 21:15

Nomakuma aa omefilu, a ya fiyo okonhele yaAr, a shaamafana neengaba daMoab.”

NUMERI 20:11

Opo nee Moses okwa yelula eke laye ndee ta denge emanya luvali nonhaili yaye. Ndele omeva mahapu a dja mo, opo eongalo ola nwa nosho yo oimuna yovanhu.

EXODUS 17:9

Ndele Moses okwa lombwela Josua ndele ta ti: “Tu hoololela ovalumenhu u fikame u ka lwife Ovaamaleki. Mongula ame ohandi ka kala ofika kelundudu ndi nonhaili yaKalunga meke lange.”

EXODUS 14:16

Ndele ove, yelula onhaili u nane eke loye kombada yefuta u li tukule pokati, Ovaisraeli opo va shiive okutaulula efuta poukukutu.

EXODUS 7:20

Moses naAron osho va ninga ngaashi Omwene e lombwela; ye okwa yelula onhaili nokwa denga omeva e li muNil moipafi yaFarao nomoipafi yovapiya vaye. Nomeva aeshe omuNil a ninga ohonde.

EXODUS 4:20

Moses okwa kufa omwalikadi waye novana vaye ovamati nokwe va londeka kondongi, ndele a shuna kedu laEgipiti. Onhaili yaKalunga Moses e i kwete meke laye.

EXODUS 4:2

Opo nee Omwene ta pula Moses ta ti: “Oshike shi li meke loye?” Ndele ye okwa nyamukula: “Onhaili.”

GENESIS 18:14

Ope na tuu sha tashi nyenge Kalunga? Pefimbo tuu eli momudo tau uya, Ame ohandi ka aluka, ndele ohandi hange Sara e na okaana okamati.”

NUMERI 20:7

NOmwene okwa lombwela Moses ndee ta ti: