NUMERI 20:28 - Ombibeli Iyapuki

²⁸ Ndele Moses okwa dula Aron oikutu yaye, ndele e i djaleka omona waye Eliaser. Ndele Aron okwa fila ko koxulo yomhunda; ndelenee Moses naEliaser va londoloka komhunda.

NUMERI 20:28 Referans Kwoze

DEUTERONOMION 10:6

“Ndele ovana vaIsrael va dja kuBeerot Bene-Jaakan, va ya kuMosera. Oko Aron a fila, noko a pakwa. Nomona waye omumati Eliaser okwa yakula moshilonga shoupristeli ponhele yaye.

2 PETRUS 1:15

Ndele ndi nokudiinina shili nokutya, mu dule okudimbulukwa eshi konima yetembu lange yo.

1 OMAFIMBO 22:17

Ndele David okwa lombwela ovakulunhu aveshe vOvaisraeli va kwafe omona waye Salomo, ndele ta ti:

DEUTERONOMION 34:9

Ndele Josua yaNun okwa li a yada omhepo younongo, osheshi Moses e mu tenheka omake aye. Novana vaIsrael ova dulika kuye ndele va ninga ngaashi Omwene a lombwela Moses.

DEUTERONOMION 34:5

Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela.

NUMERI 20:26

Ndele Aron mu dula oikutu yaye ndele i djaleka omona waye omumati Eliaser. Ndele oko Aron ta ka ongelwa kovakwanepata vaye, ndee ta fi.”

NUMERI 20:27

Opo nee Moses okwa ninga ngaashi Omwene e mu lombwela: Vo ova londa komhunda yaHor moipafi yeongalo alishe.

NUMERI 27:13

Ndele ngeenge we li mono, naave yo oto ka ongelwa kovakwanepata voye ngaashi omumwanyoko Aron a ongelwa ko.

EXODUS 6:23

Ndelenee Aron okwa hombola Eliseba, omona okakadona kaAminadab, omumwaina waNashon. Ndele ye okwe mu dalela: Nadab naAbihu, Eliaser naItamar.

EXODUS 29:28

Ndele sho shi nokuningilwa Aron novana vaye ovamati ngaashi onghedimhango yaalushe kombinga yovana vaIsrael, osheshi osho eyelulwayambo lovapristeli. Noshi nokukala eyelulwayambo kombinga yovana vaIsrael lomomapanduloyambo avo nokutya, eyelulwayambo lavo kOmwene.

NUMERI 20:1

Ndele eongalo lovana vaIsrael, eshi la fika mombuwa yaSin, mohani yotete, ovanhu va onga onhanda muKades. Ndele Mirjam okwa fila ko, oko a pakwa.

NUMERI 33:30

Ndele va fikama muHasmona ndele va onga onhanda muMoserot.

JOSUA 24:33

Ndele Eliaser yaAron eshi a fya, ove mu paka moshikulundu shomona waye omumati Pinehas, osho a pewa keemhunda daEfraim.