Biblia Todo Logo
Bib sou entènèt

- Piblisite -




NUMERI 20:15 - Ombibeli Iyapuki

15 Ootate yetu va tembukila muEgipiti ndele fye otwa kala omafiku mahapu muEgipiti. NOvaegipiti ve tu hepeka fye nootate.

Gade chapit la Kopi




NUMERI 20:15
16 Referans Kwoze  

Ndelenee Ovaegipiti ve tu hepeka ndele ve tu fininika, ndele ve tu twika oshilonga shidjuu.


Nefimbo Ovaisraeli va kala muEgipiti ola li omido omafele ane nomilongo nhatu.


Ndele vo ova ongela oimuna yavo noinima yavo, ve lilikolela muKaanan, ndele va fika kuEgipiti, Jakob ye mwene noludalo laye alishe,


Ndele Jakob okwa ya kuEgipiti, ndele oko a fila ye mwene nootate.


Ndele Kalunga okwa lombwela Abram ta ti: “Kala u shi shii nokutya, oludalo loye otali ka kala ovanailongo medu lihe fi lavo. Oko tava ka ninga ovapika nokuhepekwa omido omafele ane.


Ou okwa kotokela oshiwana shetu, ndele ta hepeke ootate, ndele okwe va fininika okweekelashi ounona vavo vaha kale ve nomwenyo.


Inashi wana hamba, ove eshi we tu kufa mo medu li yadi omashini nomaadi eenyiki, opo tu file mombuwa. Ove wa hala okukala omupangeli wetu!


Fye hatu dimbulukwa eeshi twe di lile ngaho muEgipiti noihenda yomatanga, omanuwa, ombidi, eenyanga nomakunde.


Hano ovalongifi venya Ovaisraeli va dengwa kovafininiki ava va tulwa po kuFarao, ndele tava ti: “Oshike hano inamu wanifa oilonga yeni onghela nonena, ngaashi shito, mu wanife omuvalu weedopi ngaashi mwa lombwelwa?”


Opo nee Farao okwa lombwela ovanhu vaye aveshe, ndele ta ti: “Ovana aveshe ovamati ava tava dalwa ve nokweekelwa muNil, ndelenee oukadona aveshe nava efuwe ve nomwenyo.”


ndele tai ti: “Nye eshi tamu kwafa ovalikadi Ovaheberi mokudala omu nokutala pokudalifa, ngeenge okamati, mu noku ka dipaa, ndelenee ngeenge okakadona, naka kale nomwenyo.”


Opo nee omo muKades Moses okwa tuma ko ovatumwa kohamba yaEdom: “Omumwanyoko Israel ta ti ngaha: Ove mwene wa shiiva omaudjuu aeshe e tu hanga.


Opo nee fye twa kuwila Omwene ekwafo, ndele Ye okwa uda ondaka yetu. Ye okwe tu tumina omweengeli waye ndele okwe tu pitifa mo muEgipiti. Fye otu li paife muKades, oshilando shopongaba yoshilongo shoye.


ovana vaye ovalumenhu novakainhu novatekulu vaye nepata laye alishe ye e li twala muEgipiti.


Ndele mefiku etiheyali okaana ka fya. Novapiya vaDavid va tila oku mu lombwela nokutya, okaana ka fya, osheshi va diladila: “Taleni, okaana fimbo ka kala nomwenyo fye twe mu lombwela ndele ine tu uda. Ohatu dulu ngahelipi oku mu lombwela: ‘Okaana ka fya!’ Ye ota dulu okuliningila sha shii.”


Swiv nou:

Piblisite


Piblisite