NUMERI 20:14 - Ombibeli Iyapuki

¹⁴ Opo nee omo muKades Moses okwa tuma ko ovatumwa kohamba yaEdom: “Omumwanyoko Israel ta ti ngaha: Ove mwene wa shiiva omaudjuu aeshe e tu hanga.

NUMERI 20:14 Referans Kwoze

DEUTERONOMION 23:7

“Omuedom, ino mu tala ye omutondadi, osheshi ye omukweni. Omuegipiti ino mu tonda, osheshi ove wa li omunailongo medu lavo.

MALAKIA 1:2

Ame nda li ndi mu hole, Omwene ta ti. Ndelenee nye tamu pula: Ohole yoye ya holoka peni? Esau ke fi omumwaxe waJakob? Omwene ta ti. Ndelenee nda li ndi hole Jakob,

JOSUA 9:9

Ndele vo ove mu lombwela: “Ovapiya voye otava di moshilongo shokokule unene omolwedina lOmwene Kalunga koye. Osheshi fye otwa uda eenghundana daye naashishe Ye e shi ningile muEgipiti,

EXODUS 18:8

Opo nee Moses okwa hepaululila xemweno ashishe eshi Kalunga a ningila Farao nOvaegipiti omolwaIsrael nomaudjuu aeshe ve a mona mondjila nonhumbi Omwene e va xupifa.

GENESIS 25:23

NOmwene okwe mu nyamukula ta ti: “Oiwana ivali i li medimo loye, Nomaludi avali taa ka dja meni loye. Oludi limwe oli na eenghono li dule likwao, nomukulunhu ota ka kalela ondenge yaye.”

NUMERI 13:26

Ndele ova enda ndele va fika kuMoses naAron nokeongalo alishe lovana vaIsrael mombuwa yaParan muKades. Ndele vo ova hepaululila eongalo alishe eenghundana, ndele vo ve va ulikila oiimati yoshilongo shinya.

NUMERI 20:15

Ootate yetu va tembukila muEgipiti ndele fye otwa kala omafiku mahapu muEgipiti. NOvaegipiti ve tu hepeka fye nootate.

NUMERI 20:22

Novana vaIsrael, eongalo alishe, va dja mo muKades, ndele ve uya komhunda yaHor.

JOSUA 2:9

ndele ta ti kovalumenhu: “Ame ondi shi shii, Omwene okwa yandja kunye edu eli, ndele tu kwetiwe komahaluhalu omolweni, noonakukala moshilongo otave mu kakama;

JOSUA 2:10

osheshi fye twa uda nhumbi Omwene e mu pwiininifila omeva omEfuta Litilyana komesho yeni fimbo mwa dja mo muEgipiti, naashi mwe shi ningila eehamba mbali dOvaamori, Sihon naOg, kombada yaJordan, nye eshi mwe di hanauna po.

JOSUA 9:10

naashishe Ye e shi ningila eehamba odo mbali dOvaamori langhele kwinya yaJordan nokutya, Sihon, ohamba yaHesbon, naOg, ohamba yaBasan, ei ya li muAstarot.

AMOS 1:11

Omwene osho ta ti: “Omolwomatauluko atatu, naane aEdom, Ame ihandi ka alula ehandukilo. Osheshi ye a taataa omumwaina neongamukonda, ndele ye a ekelashi onghenda, opo ehandu laye la kala la xwama alushe, ndele a diinina oupyuhandu waye fiyo alushe.

GENESIS 25:25

Aka kotete oka pita mo, ka tilyana ngaashi oshikutu sholududi. Onghee ve mu luka Esau.

GENESIS 25:26

Nomumwaina eshi e mu shikula, eke laye la kwata oshififinwa shaEsau. Onghee ove mu luka Jakob. Nomido daIsak oda li di fike pomilongo hamano vo eshi va dalwa.

GENESIS 32:29

Opo nee Jakob ta pula ta ti: “Lombwele nge edina loye!” Ndele Winya okwa nyamukula: “Omolwashike to pula edina lange?” Ndele opo tuu opo Winya okwe mu nangeka noupuna.