NUMERI 19:19 - Ombibeli Iyapuki

¹⁹ Ndele ou a yela e nokushamina ou ina yela mefiku etitatu nomefiku etiheyali, ye e nokulifetifa. Opo nee ye ta kosho oikutu yaye ndee te likosho momeva ndee ta ka kala a yela onguloshi.

NUMERI 19:19 Referans Kwoze

1 JOHANNES 1:7

Ndele ngeenge hatu ende mouyelele ngaashi ye ha kala mouyelele, opo tu nekwatafano mokati ketu, nohonde yOmona waye, Jesus Kristus, otai tu kosho omatimba aeshe.

OVAHEBERI 10:22

tu eheneni hano tu nomutima wa yuka notu neitavelo la pama, twa shaminwa momitima da kufwa omaliudo mai, nokolutu twa koshwa nomeva mayela.

HESEKIEL 36:25

Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe.

NUMERI 19:12

Ye e nokulifetifa nomeva tuu aa mefiku etitatu nomefiku etiheyali, opo nee ye ta ka kala a yela, ndele ngeenge ine liyeleka nomeva aa mefiku etitatu netiheyali, ye ota kala ina koshoka.

LEVITIKUS 14:9

Nomefiku etiheyali e nokukulula eexwiki adishe, eexwiki dokomutwe neendjedi neefeleisho, heeno, eexwiki daye adishe, ndele ye e nokukosha oikutu yaye, nolutu laye e noku li kosha momeva. Opo nee ye ta ka kala a yela.

JUDAS 1:23

Va xupifeni noku va vakula momundilo. Vamwe va fileni onghenda nokutila nokutonda oshikutu shavo sha nyatekwa kombelela.

TITUS 2:14

Oye ou e liyandja ponhele yetu e tu kulile mo mowii aushe Ye e liyelifile oshiwana shaye mwene, osho hashi diinine shili oilonga iwa.

NUMERI 31:19

Ndelenee nye vene kaleni omafiku aheyali pondje yonhanda. Keshe ou a dipaa omunhu nakeshe ou a kuma omudipawa, nye mu nokulifetifa mefiku etitatu nomefiku etiheyali, onye vene neenghwate deni.

GENESIS 2:2

Ndele Kalunga okwa xulifa mefiku etiheyali oshilonga shaye eshi a longa, ndele okwa tulumukwa mefiku etiheyali koilonga yaye aishe Ye e i longa.

EXODUS 19:10

Omwene okwa lombwela vali Moses ndele ta ti: “Inda kovanhu u va yapule nena nomongula, nava koshe oikutu yavo,

NUMERI 19:13

Keshe umwe ta kumu omufi nokutya, oshimhu shomunhu, ndele ite lifetifa, ye ota nyateke etwali lOmwene, ndele ye na dimwe mo muIsrael, osheshi ina shaminwa nomalifetifomeva. Ye ina yela, nonyata yaye tai ka kala muye.

NUMERI 19:18

Nomulumenhu a yela e nokukufa isopi noku i yaveka momeva nokushamina etwali noinima aishe novanhu aveshe ava va kala po ile ou a kuma oipongolo yanakufya ile ou a dipawa ile omufi ile ombila.

LEVITIKUS 14:7

Ndele ye e nokushamina ou e nokufetwa mo moudu woshilundu luheyali, noku mu ingidila eveluko, nodila i nomwenyo ye e noku i efa i tuke i ye noixwa.

NUMERI 31:24

Nye mu nokukosha yo oikutu yeni mefiku etiheyali opo nee tamu kala mwa yela. Opo nee tamu dulu okuuya mo monhanda.”