NUMERI 19:18 - Ombibeli Iyapuki

¹⁸ Nomulumenhu a yela e nokukufa isopi noku i yaveka momeva nokushamina etwali noinima aishe novanhu aveshe ava va kala po ile ou a kuma oipongolo yanakufya ile ou a dipawa ile omufi ile ombila.

NUMERI 19:18 Referans Kwoze

OVAHEBERI 9:14

unene hano ohonde yaKristus, ou a li ehe na nande oshipo, e liyandja Ye mwene eyambo kuKalunga okOmhepo yaalushe, oyo tai ka kosha omaliudo etu okoilonga ei ya fya okulongela Kalunga omunamwenyo.

NUMERI 19:9

Nomulumenhu a yela na ongele omute wondema, ndee ne u twale konhele ya yela pondje kombada yonhanda. Nomute ou u nokutuvikililwa eongalo lovana vaIsrael omolwomafetifomeva: oo omalifetifomanyonauno.

1 OVAKORINTO 1:30

Ndelenee omuye mwa dja okukala kweni muKristus Jesus, ou e tu ningilwa ounongo kuKalunga, nouyuki neyapulo nekulilo,

JOHANNES 17:19

Ndele Ame ohandi liyapula molwavo, vo va yapulilwe moshili.

JOHANNES 17:17

Va yapulila moshili yoye, eendjovo doye odo oshili.

OMAPSALOME 51:7

Koshe nge naisopi, opo ndi yele; koshe nge ndi yele, ndi dule outokele weemhawe.

OVAHEBERI 9:19

osheshi Moses eshi kwa li a mana okuleshela oshiwana ashishe oipango aishe pamhango, okwa kufa ohonde yeenhana noyoikombo pamwe nomeva nolududi litilyana, naisopi nokwa shamina omushangwa woovene noshiwana ashishe,

NUMERI 19:17

“Ou ina yela, na kufilwe mo momute wetimbayambo la xwikwa po nokutila moshiyuma omeva mayela.

NUMERI 19:19

Ndele ou a yela e nokushamina ou ina yela mefiku etitatu nomefiku etiheyali, ye e nokulifetifa. Opo nee ye ta kosho oikutu yaye ndee te likosho momeva ndee ta ka kala a yela onguloshi.

JESAJA 52:15

osho ta ka kumwifa oiwana ihapu, eehamba otadi ke likwata komilungu, da kumwa. Osheshi eshi inave shi hepaululilwa, otave shi mono. Naashi inave shi uda otave ke shi shiiva.

OMAPSALOME 51:9

Tuvika oshipala shoye, uha mone omatimba ange; ove dima po owii wange aushe.