NUMERI 18:6 - Ombibeli Iyapuki

⁶ Osheshi Ame mwene nda kufa mo ovakweni, Ovalevi movana vaIsrael ngaashi oshali yeni, vo ovanhu va yandjelwa omwene, a longe eyakulwalonga letwali leongalo.

NUMERI 18:6 Referans Kwoze

NUMERI 3:9

NOvalevi u noku va yandja kuAron nokovana vaye. Vo aveshe vomovana vaIsrael ova yandjwa kuye.

NUMERI 3:45

“Kufa Ovalevi ponhele yoiveli aishe yovalumenhu yovana vaIsrael, noyoimuna yOvalevi ponhele yoiveli aishe yovalumenhu yovana vaIsrael, noyoimuna yOvalevi ponhele yoimuna yavo, Ovalevi opo va shiive okukala vange mwene. Aame omwene.

NUMERI 3:12

“Tala, Ame mwene onda kufa mo Ovalevi movana vaIsrael ponhele yoiveli aishe ei tai yeulula oshidalelo shaina movana vaIsrael, Ovalevi opo va kale vange mwene.

HESEKIEL 34:20

Onghee hano, Omwene Kalunga ta ti ngaha kunye: Taleni, Ame opo ndi li, ndele ohandi ka tokola pokati kodi ya ondoka nodi ya utama.

HESEKIEL 34:11

“Osheshi Omwene Kalunga ta ti ngaha: Tala, Ame mwene opo ndi li, Ame ohandi ka konga eedi dange noku di kalela noshisho.

JESAJA 51:12

Ame, heeno, Ame mwene handi mu hekeleke; oove lyelye, eshi to tila omunhu ou e nokufya nomona womunhu ou e nokuxula po ngaashi omwiidi,

JESAJA 48:15

Ame, Ame nde shi popya, Ame onde mu ifana, Ame onde mu ila nonde mu wapalekela ondjila yaye.

EXODUS 31:6

Ndele tala, Ame nde mu pa Oholiab, omona waAhisama womepata laDan. Nomutima wakeshe e nounongo Ame nda yandja ounongo, opo va shiive okushakenifa aishe ei nde i ku lombwela:

EXODUS 14:17

NAame ohandi ka kukutika omitima dOvaegipiti, opo tave uya tave mu shikula. Ndele Ame ohandi ke lifimanekifila muFarao nomeenghono adishe daye dovakwaita nomomatemba aye oita nomovalondi vaye veenghambe.

GENESIS 9:9

“Ndelenee, taleni, Ame ohandi ningi ehangano nanye noludalo leni tali mu shikula,

GENESIS 6:17

Osheshi tala, Ame ohandi yelulile edu eyelu, opo ndi hanaune po ombelela aishe i na omufudo womwenyo koshi yeulu. Aishe ei i li kombada yedu otai ka fya.

NUMERI 3:6

“Epata laLevi li ehenifa li kale moipafi yomupristeli Aron, opo vo va shiive oku mu yakula.

NUMERI 3:13

Osheshi oiveli aishe oyange. Mefiku tuu linya Ame nda dipaa po oiveli aishe medu laEgipiti Ame nde liyapulila oiveli aishe yomuIsrael, yovanhu noyoimuna. Vo ve nokukala vange, Aame Omwene.”