NUMERI 18:12 - Ombibeli Iyapuki

¹² “Omaadi omaadielela nomaviinyu manyenye aeshe noilya hai yandjwa oshipe shayo tave i etele Omwene, Ame ohandi i ku pe.

NUMERI 18:12 Referans Kwoze

DEUTERONOMION 18:4

Oshipe shoilya yoye noshomaviinyu oye noshomaadi oye nolududi leedi doye mokukulula kwotete ove u noku mu pa.

EXODUS 23:19

“Eshi shiwelela shomoshipe shepya loye u noku shi eta mongulu yOmwene Kalunga koye. “Okakombwena ino ka telekela momashini aina yako.

EXODUS 34:26

“Eshi shiwelela shomoiimati yomepya loye u noku shi etela kongulu yOmwene, Kalunga koye. “Ino teleka okakombwena momashini aina yako.”

DEUTERONOMION 26:2

opo nee ove u nokukufa moiimati aishe yotete yomomapya oye to i toola moshilongo eshi Omwene Kalunga koye te ke shi ku pa, ndele u noku i tula moshimbale, ndele ove u nokuya konhele oyo tai ka hoololwa kOmwene Kalunga koye, opo edina laye li kale mo,

LEVITIKUS 23:20

nomupristeli e noku i dungadungifa edungadungifwayambo koshipala shOmwene pamwe nomungome woshipe needi mbali. Odo nadi kale diyapuki kOmwene ndele tadi ningi domupristeli.

LEVITIKUS 23:17

Oko tamu kala nye mu nokweeta omingome mbali dokudungadungifwayambo, da telekwa noufila wa nakwa u fike peekilograma mbali, da telekwa di nonhafi ngaashi oshipe kOmwene.

LEVITIKUS 2:14

“Ove ngeenge to etele Omwene eendjayambo doshipe, ove u nokweeta ngaashi eendjayambo doshipe; omitwe doilya da kangwa komundilo nomahola a fengwa.

EXODUS 22:29

“Ino ongaonga okuyandja oiyandjiwa yoilya noyomaviinyu. “Oshiveli okamati u noku shi pa nge.

GENESIS 27:28

Kalunga ne ku pe omume yeulu nomaadi edu noshishipo shoilya noshomaviinyu.

DEUTERONOMION 18:3

“Oshipewa shovapristeli, osho ve noku shi pewa kovanhu, kwaava hava eta etomenoyambo ile ongobe ile odi: vo ve nokuyandja komupristeli ombeyo nomaluhamama avali neteta.

DEUTERONOMION 32:14

omaadi eengobe nomashini eedi, pamwe nomakaadi oudjona needi deemhedi. Eengobe deemhedi domuBasan noikombo pamwe nounyenye woilya. Ove wa nwa ohonde yeeviinyu, omaviinyu taa eta onhutu.

OMAPSALOME 81:16

Ndelenee ngeno ohandi mu palula noilya nohandi mu kutifa nomaadi owishi taa di memanya.”

OMAPSALOME 147:14

Ombili ote i yandje meengaba doye, ote ku palula noilya inyenye.

HESEKIEL 44:30

Nakeshe eshi shotete shokomaludi keshe, sha wapala, sha wapalelela, nokeshe eshi shomayambo, oshomayambo eni aeshe naa ninge ovapristeli. Noufila weni muwa u dule mukwao mu nokuyandja komupristeli, opo enangeko noupuna li kale meumbo loye.

LEVITIKUS 2:12

Ngaashi eyambo loshipe otamu dulu oku i etela Omwene, ndelenee oyo itai tulwa koaltari ngaashi edimba liwa.

2 EEHAMBA 4:42

Nomulumenhu umwe womuBaal-Salisa e uya ndele ta etele omulumenhu waKalunga omingome doilya ipe; omingome omilongo mbali domufimbaxwa, noilya ya fengwa moshimbaba, ndele Elisa ta ti: “Yandja kovanhu va lye!”

2 OMAFIMBO 31:5

Noshipango osho eshi sha tandavela, ovana vaIsrael va yandja oshipe shihapu shomoilya noshomaviinyu noshomaadi, noshomaadi eenyiki noshoinima aishe yomepya, ndele va eta oitimulongo ihapu yomoinima aishe.