NUMERI 18:11 - Ombibeli Iyapuki

¹¹ “Ndele oshitukulwa shoye shomeeshaliyambo davo osheshi: aishe ei ovana vaIsrael hava yambe omadungadungifwayambo. Ame ohandi i ku pe novana voye ovamati noukadona pamwe naave i kale onghedimhango yaalushe. Meumbo keshe ou a yela ne i lye.

NUMERI 18:11 Referans Kwoze

DEUTERONOMION 18:3

“Oshipewa shovapristeli, osho ve noku shi pewa kovanhu, kwaava hava eta etomenoyambo ile ongobe ile odi: vo ve nokuyandja komupristeli ombeyo nomaluhamama avali neteta.

LEVITIKUS 10:14

Nosho yo ombadja yedungadungifwayambo noshilama sheyelulwayambo nye mu noku i lila monhele iyapuki, ove pamwe novana voye ovamati noukadona. Shaashi ngaashi oshipewa shoye noshovana voye ovamati mwe shi pewa komapanduloyambo ovana vaIsrael.

NUMERI 18:8

Omwene okwa popya vali naAron ndee ta ti: “Ame mwene nde ku pa oshilonga sheeshaliyambo dange. Eeshali adishe diyapuki dovana vaIsrael Ame ohandi di ku pe oshitukulwa shoye noshovana voye ovamati, eshi onghedimhango yaalushe.

LEVITIKUS 7:14

Ndele ye e nokweetela Omwene oshikuki shimwe shomoshali keshe oshaliyambo. Osho tashi ningi shomupristeli ou ta tile ohonde yepanduloyambo koshiyambelo.

NUMERI 18:1

NOmwene okwa lombwela Aron ndee ta ti: “Ove novana voye ovamati nepata laxo, nye otamu pulwa omanyonauno etwali liyapuki ndele nye novana voye ovamati otamu pulwa omanyonauno oupristeli.

NUMERI 18:10

U noku a lya monhele iyapukielela: ovalumenhu aveshe nave a lye. Naa kale mayapuki kunye.

NUMERI 18:19

“Eeshaliyambo adishe doinima iyapuki ei tai yandjelwa Omwene kovana vaIsrael, Ame ohandi i ku pe novana voye ovamati noukadona i kale onghedimhango yaalushe. Eshi hano ehangano lomongwa koshipala shOmwene pokati keni noludalo leni pamwe nanye.”