NUMERI 18:1 - Ombibeli Iyapuki

¹ NOmwene okwa lombwela Aron ndee ta ti: “Ove novana voye ovamati nepata laxo, nye otamu pulwa omanyonauno etwali liyapuki ndele nye novana voye ovamati otamu pulwa omanyonauno oupristeli.

NUMERI 18:1 Referans Kwoze

EXODUS 28:38

Osho ngaha hano ke nokukala mombaba yoshipala shaAron, opo Aron a shiive okuhumbata omatauluko Ovaisraeli mokuyamba kwavo omayambo mayapuki nomokuyandja kwavo eeshali diyapuki. Naka kale alushe mombaba yoshipala shaye, opo ohokwe yOmwene i kale kombada yavo.

1 PETRUS 2:24

Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye.

OVAHEBERI 13:17

Shikuleni ovakwatelikomesho veni, nye mu dulike kuvo, osheshi ovo hava pashukile eemwenyo deni ngaashi ovo tave ke di pulwa, opo ve shi ninge nehafo, hanokukema, osheshi osho itashi mu wapalele.

OVAHEBERI 4:15

Osheshi omupristeli wetu omukulunhu haye ou, ehe uditile oungone wetu olukeno, ndelenee Oye ou a shindwa moinima aishe ngaashi fye, ndelenee ke netimba.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JESAJA 53:6

Fye atushe otwa pukile ngaashi eedi, twe liyukila, keshe umwe nondjila yaye mwene. Ndelenee Omwene okwa twika kombada yaye omatauluko etu atushe.

NUMERI 17:13

Keshe umwe ota ehene, heeno, keshe umwe ta ehene ketwali liyapuki lOmwene ota ka fya. Hano fye otu nokufya, ngaashi tu li, fye atushe?”

NUMERI 17:7

Ndele Moses okwa twala eenhaili koshipala shOmwene metwali londobwedi.

NUMERI 17:3

Nedina laAron li shangela monhaili yepata laLevi, shaashi ope nokukala onhaili imwe yomukulunhu wepata keshe.

NUMERI 14:34

Pamuvalo womafiku enya mwa li okulava edu, omafiku omilongo nhee, efiku limwe tali yeleke omudo umwe, nye mu nokuhumbata okuhadulika kweni, omido omilongo nhee nokushiiva eshi oshike Ame ngeenge nde likufa po punye.

LEVITIKUS 22:9

Onghee hano vo nava diinine eenghedimhango dange, vaha nyone molweeshali diyapuki ndele vaha fye omolwado eshi ve di nyateka. Aame Omwene ou te va yapula.

LEVITIKUS 10:17

“Omolwashike etimbayambo inamu li lila monhele iyapuki? Osheshi olo liyapukielela, ye okwe li mu pa omanyonauno eongalo a kufwe po, oku va kwatakanifa koshipala shOmwene.

LEVITIKUS 22:16

vo vehe va vele eembedi vo ngeenge tava li eeshali diyapuki, osheshi Aame Omwene, ou te va yapula.”

NUMERI 3:6

“Epata laLevi li ehenifa li kale moipafi yomupristeli Aron, opo vo va shiive oku mu yakula.

NUMERI 16:10

Nokwe mu itavelela okweehena kuye pamwe novamwaxo aveshe Ovalevi; nye eshi mwa hala paife oshilonga shoupristeli?

NUMERI 18:11

“Ndele oshitukulwa shoye shomeeshaliyambo davo osheshi: aishe ei ovana vaIsrael hava yambe omadungadungifwayambo. Ame ohandi i ku pe novana voye ovamati noukadona pamwe naave i kale onghedimhango yaalushe. Meumbo keshe ou a yela ne i lye.

DEUTERONOMION 10:8

Mefimbo tuu olo Omwene okwa tongola mo epata laLevi, opo li humbate oshikefa shehangano lOmwene, ndele va kale koshipala shOmwene noku mu longela nokunangeka noupuna medina laye fiyo onena.

OVATOKOLIPANGELI 17:12

Ndele Mika okwa tula Omulevi moshilonga, opo omulumenhu omunyasha a ninga omupristeli waye, nokwa kala meumbo laMika.

HESEKIEL 4:4

“Nangela kolumosho loye u humbate oulunde weumbo laIsrael. Omafiku e fike pokunangala kwoye u nokuhumbata oulunde wavo.