NUMERI 17:8 - Ombibeli Iyapuki

⁸ Ndele mefiku lomongula Moses eshi a ya metwali londobwedi, tala, onhaili yaAron womepata laLevi, tai tutuma. Muyo mwa holoka eembulukutu neenhemo noiimati yaamandel ya pya.

NUMERI 17:8 Referans Kwoze

HESEKIEL 17:24

Ndele omiti adishe domomufitu otadi ka shiiva nokutya, Omwene ohandi ninipike omuti mule ndele handi nenepeke omuti munini. Omuti mutalala ohandi ke u kukutika nomuti mukukutu ohandi ke u hapifa. Aame, Omwene nde shi popya nonde shi ninga.”

NUMERI 17:5

Nonhaili yomulumenhu ou Ame handi hoolola mo, otai ka tutuma. Ndele Ame ohandi ka mweneka engongoto lovana vaIsrael, tave mu ngongotele.”

JESAJA 4:2

Mefiku tuu olo Oshitutumine shOmwene otashi tutumine oixupe yaIsrael ewapalo nefimano, noimeno aishe yomedu otai menene oulenga woupuna.

HESEKIEL 19:14

Ndele omundilo wa dja moshitai shi yadi outai, oo wa lungwinifa po oiimati yao, ndele kape na vali oshitai shi hongwe epangelodibo li pangele. Osho eimbilokemo, nosha ninga eimbilokemo.

OMAPSALOME 110:2

Odibopangelo yeenghono doye, Omwene ote i aneke, e li muSion; pangela mokati kovatondi voye.

GENESIS 40:10

nomomuviinyu mwa li oitai itatu, shamha tuu wa tenda, eenhemo oda holoka neeviinyu oda pya momashila.

OVAHEBERI 9:4

omo mwa li mu noaltari yoshingoldo yokutwimina, noshikefa shehangano sha vaekwa noshingoldo keembinga adishe, musho omwa li oshimbudju shoshingoldo omo mwa kala omanna, onhaili yaAron ya tutuma omafo noipelendemanya yehangano,

HESEKIEL 19:12

Ndelenee wa dudwa mo moupyuhandu, nowa dengwa poshi, nomhepo yokoushilo oya kukutifa oiimati yao. Oshitai sha pama, sha xwikwa po komundilo.

EIMBILOELELA 2:3

Ngaashi omuti womuapula u li mokati komiti domomufitu, osho omuholike wange e li mokati kovamati. Nda hala okukala omutumba momudidimbe wao, noshiimati shao oshinyenye mokanya kange.

NUMERI 16:5

Ndele ye okwa lombwela Kora nongudu yaye aishe ndee ta ti: “Ongula inene Omwene ta ka holola olyelye waye nalyelye omuyapuki nalyelye te mu itavelele okweehena kuye. Ou Ye ta hoolola Oye te mu itavelele okweehena kuye.

NUMERI 17:9

Opo nee Moses okwa kufa eenhaili adishe da kala koshipala shOmwene nokwe di twala adishe pondje kovana vaIsrael. Ndele vo ove di mona, nakeshe umwe okwa kufa onhaili yaye.