NUMERI 16:28 - Ombibeli Iyapuki

²⁸ Ndele Moses okwa popya ta ti: “Opo tuu opo nye mu shi shii nokutya, Omwene okwa tuma nge okuninga oilonga aishe ei, ndele inai ningwa kehalo lange mwene.

NUMERI 16:28 Referans Kwoze

JOHANNES 6:38

Osheshi Ame nda dja keulu hakuwanifa ehalo lange mwene, ndelenee ehalo laau a tuma nge.

EXODUS 3:12

Ndele Ye ta nyamukula: “Ame ohandi ka kala pamwe naave, naashi tashi ningi edidiliko kwoove nokutya, Ame nde ku tuma ko: ove eshi wa pitifa mo oshiwana muEgipiti, vo otava ka longela Kalunga komhunda tuu ei.”

JOHANNES 5:36

Ndelenee Ame ondi na ehepaululo linene li dule linya laJohannes; osheshi oilonga ei Tate okwe i pa nge ndi i wanife, oilonga tuu ei handi longo, oyo tuu tai hepaulula nge nokutya, Tate okwa tuma nge.

HESEKIEL 13:17

“Ndele oove, kaana komunhu, taalelifa oshipala shoye kovana oukadona voshiwana shoye, ava hava holoka ngaashi ovaxunganeki ovakainhu meenghono domitima davo vene, ndele ove, xunganeka noku va vela ombedi,”

JEREMIA 23:16

Omwene womatanga ovakwaita ota ti ngaha: “Inamu pwilikina eendjovo dovaxunganeki ava, tave mu xunganekele. Otave mu yadifa nomateelelo ongaho. Omamoniko omitima davo vene tave a udifa, ndelenee hasheshi tashi di mokanya kOmwene.

JOHANNES 14:11

Itaveleni nge nokutya, Ame ndi li muTate, naTate oku li mwaame, ndele ngeenge mwa anya, itaveleni nge omolwoilonga yoovene.

JOHANNES 11:42

Ndele ondi shi shii, Ove ho udu nge alushe; Ndelenee molwovanhu ava va dingilila nge, ohandi popi ngaha, vo va itavele nokutya, Oove wa tuma nge.”

JOHANNES 5:30

“Mwaame mwene ihandi dulu okulonga nande sha. Ongaashi handi udu, osho handi tokola; netokolo lange ola yuka, osheshi Ame ihandi shikula ehalo lange mwene, ndelenee ehalo laau a tuma nge.

SAKARIA 4:9

“Omake aSerubbabel okwa tungila ongulu ei ekanghameno layo nomake aye otae i mane oku i tunga. Opo nee ove to ke shi shiiva, kutya Omwene womatanga ovakwaita okwa tuma nge kunye.

SAKARIA 2:9

Tala, osheshi Ame ohandi ka takela okwooko kwange kombada yaavenya, opo va ninge eenghwate novapika vavo. Opo nee nye otamu ka shiiva, nokutya ame nda tumwa kOmwene womatanga ovakwaita.

1 EEHAMBA 18:36

Ndele otundi eshi ya fika, eendjayambo da li di nokuyambwa, omuxunganeki Elia okwa ehena ko ndele ta ti: “Omwene, Kalunga kaAbraham, Isak naJakob, nena eli liholola kutya oove Kalunga wa kala muIsrael, naame omupiya woye ndele oinima aishe ei nde i ninga pandjovo yoye.

DEUTERONOMION 18:22

Tala, u kale u shi shii: omuxunganeki ngeenge ta popi medina lOmwene ndele eendjovo tadi wanifwa, do itadi ka twa, hano eendjovo odo, Omwene ine di popya. Omuxunganeki okwe di popya nokuhe nohoni, ino mu tila.

EXODUS 7:9

“Farao ngeenge ta popi nanye ndele ta ti: ‘Ulikileni oshikumwifalonga,’ opo nee ove u nokulombwela Aron: ‘Kufa onhaili yoye, u i ekele poshi moipafi yaFarao, opo yo otai ka ninga eyoka.’ ”

NUMERI 24:13

‘Balak nande a pe nge oshisiliveli noshingoldo shi yadi eumbo laye, ame ihandi dulu okutauluka elombwelo lOmwene ndi ninge ngeno ouwa ile owii pamadiladilo omutima wange? Eshi Omwene te shi popi, osho ame handi shi tongo.’

EXODUS 4:12

Inda ko hano ashike naame ohandi ka kala nokanya koye noku ku longa, eshi u nokupopya.”

EXODUS 4:15

Ove u nokupopya nokutula mokanya kaye eendjovo. Ndele Ame ohandi ka kala nokanya koye nonokanya kaye, nde handi mu longo eshi mu nokuninga.