NUMERI 16:21 - Ombibeli Iyapuki

²¹ “Litongoleni mo mongudu ei, opo handi ke i nyona po mepakumo leisho.”

NUMERI 16:21 Referans Kwoze

NUMERI 16:45

“Djei po pongudu ei, opo handi i nyono po mepakumo leisho.” Opo nee vo ove litwa oipala yavo poshi.

EXODUS 32:10

Efe nge, ehandu lange li va xwamenene naAme ohandi va mane po. Opo nee Ame ohandi ke ku ninga oshiwana shinene.”

EHOLOLO 18:4

Naame nda uda ondaka imwe meulu, tai ti: “Djeni mo musho, nye ovanhu vange, muha kwatafane noulunde washo, muha hangike komahepeko asho.

OMAPSALOME 73:19

Ohava hanauka mehangelelo li fike peni, ohava vakulwa po ndele tava mono exulilo lehalukifo.

EXODUS 33:5

Osheshi Omwene okwa li a lombwela Moses: “Lombwela ovana vaIsrael: ‘Nye oshiwana shi nofingo ikukutu. Ame ngeno ndi kale punye mepakumo leisho Ame ngeno handi mu nyono po. Ndelenee kufeni hano paife omawapeko eni oufuuli, opo ndi shiive okudiladila eshi handi mu ningile.’ ”

2 OVAKORINTO 6:17

Onghee: “Djeni mo mokati kavo nye mu liyoolole mo muvo, Omwene osho ta ti, nye inamu kuma eshi sha nyata; opo Ame ohandi mu tambula,

OILONGA YOVAYAPOSTOLI 2:40

Ndele neendjovo dihapu di lili ye a hepaulula nokwe va kumaida ta ti: “Liyandjeni nye mu xupifwe mo moludalo eli la pilalala.”

JEREMIA 5:16

Eenywa davo da fa ombila ya ekama. Vo aveshe ovaladi.

JESAJA 37:36

Opo nee omweengeli wOmwene okwa ya ko ndele ta dipaele meenhanda daAsiria ovalumenhu omayovi efele nomafele omilongo hetatu naatano. Nongula eshi kwa sha, aveshe ova li oimhu ihe na omwenyo.

NUMERI 14:15

Ovanhu ava ngeenge to va kombo po ngaashi omunhu umwe, opo nee oiwana, eshi tai udu eenghundana tadi ku tongo, otai ka tya:

NUMERI 14:12

Ame ohandi ke va tumina oudu wolutapo noku va dima po. Ndele Ame ohandi ku ningi oshiwana shinene noshi neenghono shi va dule.”

GENESIS 19:14

Opo nee Lot okwa ya a ka popye noitenya yaye, ovalumenhu ava va li ve na okuhombola ovana vaye oukadona, ndele ta ti: “Fikameni, djeni mo monhele ei, osheshi Omwene ota ka hanauna po oshilando.” Ndele vo ove mu tala, ta popi omashendjo.

EXODUS 32:12

Omolwashike ngeno Ovaegipiti tava ka tya: ‘Ye e va twala ko va hangike komupiya, e va dipaele keemhunda noku va komba po kombada yedu?’ Piluka moupyuhandu woye, opo u lialuluke komupya, ove we u diladilila ovanhu voye.

NUMERI 16:20

NOmwene okwa popya naMoses naAron ndee ta ti:

GENESIS 19:13

osheshi fye hatu ka hanauna po onhele ei, osheshi onghuwo molwovanhu ava oya ninga inene koshipala shOmwene, nOmwene okwe tu tuma tu shi hanaune po.”

NUMERI 17:10

Opo nee Omwene okwa lombwela Moses ndee ta ti: “Shunifa onhaili yaAron koshipala shondobwedi i diininwe ngaashi edidiliko laava hava ngongota, ndele mana po okungongota kwavo opo ndiha pumbwe vali oku ku uda, opo vaha fye.”