NUMERI 16:17 - Ombibeli Iyapuki

¹⁷ Keshe umwe womunye na kufe oikwatelwa yomakala ndele tuleni ko omundilo nokombada oitwiminifo, ndele eteni keshe umwe, oikwatelwa omafele avali nomilongo nhano yomakala koshipala shOmwene, nosho yo nye naAron, keshe umwe e noshikwatelwa shaye shomakala.’ ”

NUMERI 16:17 Referans Kwoze

1 SAMUEL 12:7

Eheneni hano oku paife, opo ndi shiive oku mu hokololifa koshipala shOmwene omolwoilonga youyuki aishe yOmwene, oyo e i mu ningila nye vene nooxo.

EXODUS 27:3

Ndele oikwatelwa yayo yokuyuka omute nosho yo oiyukifo yayo nomalwiyo ayo nomafoloko oikwatelwa yomakala. Oilongifo aishe u noku i ninga noshikushu.

NUMERI 16:16

“Moses okwa lombwela vali Kora, ndee ta ti: ‘Nye nongudu yoye aishe, kaleni ongula inene koshipala shOmwene, nye navo naAron.

NUMERI 16:18

Opo nee vo, keshe umwe okwa kufa oshikwatelwa shaye shomakala nokwa tula mo omundilo nokombada yao a tula ko oitwiminifo. Ndele ova ka kala ofika poshivelo shetwali leongalo. Nosho yo Moses naAron.

HESEKIEL 8:11

Ndele komesho yayo pa kala ofika ovalumenhu omilongo heyali, vo ovakulunhu vomeumbo laIsrael nomokati kavo pa kala ofika Jaasanja, omona waSafan. Ndele keshe umwe womuvo e kwete oshitwiminifo meke laye, ndele mokalungululu komwifi wetwiminino mwa dja edimba.