NUMERI 15:8 - Ombibeli Iyapuki

⁸ “Ndele ngeenge to yambe ongobe onyasha yomhedi exwikiloyambo ile etomenoyambo u wanife eudaneko we li udanekele ile epanduloyambo lOmwene,

NUMERI 15:8 Referans Kwoze

LEVITIKUS 3:1

“Ndele eyambo laye ngeenge epanduloyambo, e nokweeta koshipala shOmwene oshinamwenyo shihe noshipo, ngeenge te shi eta meengobe, ongobe yomhedi ile ondema.

LEVITIKUS 1:3

“Eyambo laye ngeenge exwikiloyambo lomeengobe, ye e nokweeta ongobe yomhedi ihe noshipo. Ye e noku i eta koshivelo shetwali leongalo, opo e li monene okuhokiwa koshipala shOmwene.

LEVITIKUS 1:9

Ndelenee omandjadja nomakondo vo ve noku a kosha nomeva, nomupristeli e noku i xwika po aishe koaltari exwikiloyambo nokutya, omundiloyambo wedimba liwa kOmwene.

LEVITIKUS 3:5

Novana ovamati vaAron ve noku i xwika po koaltari kexwikiloyambo olo li li koikuni kombada yomundilo eshi osho omundiloyambo wedimba liwa kOmwene.

LEVITIKUS 22:21

Ndele umwe ngeenge ta yambele Omwene meengobe ile meedi epanduloyambo opo a wanife eudaneko laye ile eyambo lehalo liwa, opo nee eyambo li nokukala lihe noshipo, opo li kale la wapala. Mulo muha kale nande oshipo.

NUMERI 8:8

Opo nee tava ka kufa ongobe onyasha yomhedi neendjayambo dayo nokutya, oufila wa nakwa ndele wa pilulilwa omaadi. Ndee vo ve nokukufa ongobe imwe yomhedi etimbayambo.

NUMERI 15:7

Ndelenee ngaashi oikunwayambo, eta omaviinyu olita netata ngaashi edimba liwa kOmwene.

NUMERI 15:9

napa etwe pamwe nongobe onyasha yomhedi eendjayambo oufila wa nakwa u fike peekilograma nhatu wa pilulilwa omaadi eelita mbali.

NUMERI 15:24

opo nee, okunyona ngeenge kwa ningwa mepuko moungone, neongalo inali ku shiiva hano eongalo alishe nali yambe ongobe onyasha yomhedi exwikiloyambo, edimba liwa kOmwene, pamwe neendjayambo noikunwayambo pamapukululonghedi omayambo. Noshikombo oshindume etimbayambo.