NUMERI 14:5 - Ombibeli Iyapuki

⁵ Opo nee Moses naAron va wila eombe moipafi yeongalo alishe lovana vaIsrael.

NUMERI 14:5 Referans Kwoze

NUMERI 16:4

Moses eshi e di uda okwa wila eombe.

NUMERI 16:22

Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?”

NUMERI 16:45

“Djei po pongudu ei, opo handi i nyono po mepakumo leisho.” Opo nee vo ove litwa oipala yavo poshi.

HESEKIEL 9:8

Ndele vo eshi va li tava dipaa ndele ame nda xupa po, ame nda wila po eombe ndele nda ingida handi ti: “Akutu, Omwene Kalunga, Ove oto mane po ngaho oshixupe ashishe shaIsrael eshi to tilile kombada yaJerusalem ehandu loye?”

1 OMAFIMBO 21:16

David eshi a pashula omesho aye, okwa mona omweengeli wOmwene ta kala ofika pokati kedu neulu, e neongamukonda la pweywa mo, meke laye, la yelulilwa Jerusalem. Opo nee David novakulunhu va li va djala oikutu yeefya tava wile eombe.

JOSUA 5:14

Ndele ye ta ti: “Ahowe, ame ondjai yomatanga ovakwaita vOmwene.” Paife onde uya. Opo nee Josua okwa wila eombe nokwe linyongamena ndele te mu pula: “Omwene wange okwa hala okulombwela omupiya waye shike?”

LEVITIKUS 9:24

omundilo wa dja koshipala shOmwene, nowa xwika po exwikiloyambo noipambu yomakaadi koaltari. Ovanhu aveshe, eshi ve shi mona, eemwenyo davo da shambukwa nova wila eombe.

GENESIS 17:3

Opo nee Abram okwa wila eombe ndele Kalunga okwa popya naye ta ti:

EHOLOLO 7:11

Novaengeli aveshe ova li ofika va dingilila olukalwapangelo, novakulunhu noinamwenyo ei ine, ndele va wa pedu komesho yolukalwapangelo, ndele tave linyongamene koshipala shaKalunga,

EHOLOLO 5:14

Noinamwenyo ei ine oya tya: “Amen!” Novakulunhu ova wila po ndele tave linyongamene ou ha kala fiyo okomafimbo ounyuni aeshe.

EHOLOLO 4:10

opo ovakulunhu ovo omilongo mbali navane otave linyongamene poshi koshipala shaau e li omutumba kolukalwapangelo, ndele tava fimaneke ou Omunamwenyo alushe fiyo alushe, ndele tava ekele poshi oikoroni yavo komesho yolukalwapangelo ndele tava ti:

MATEUS 26:39

Ndele okwa ehena ko kanini, ndele a wila eombe poshi, okwa indila ndele ta ti: “Tate, ngeenge tashi dulika, eholo eli nali koye nge; ndele hangaashi Ame nda hala, ndelenee ongaashi Ove wa hala.”

DANIEL 10:9

Ndele ame onda uda ondaka yeendjovo daye. Ndele eshi nda uda ondaka yeendjovo daye, ame onda fyombabanghukuta, nda wila poshi noshipala shange she liwitika medu.

1 EEHAMBA 18:39

Ovanhu aveshe eshi ve shi mona, va wila eombe ndele tava ti: “Omwene Oye Kalunga! Omwene Oye Kalunga!”

JOSUA 7:10

Opo nee Omwene okwa lombwela Josua: “Fikama! Omolwashike wa wila eombe?

NUMERI 14:6

Ndele Josua yaNun naKaleb yaJefunne, vavali ava va ile okulava edu, ova pombaula oikutu yavo,

NUMERI 20:6

Opo nee Moses naAron va dja po peongalo, va ya koshivelo shetwali leongalo, ndele va wila eombe. Opo nee oshinge shOmwene she va holokela.

NUMERI 17:10

Opo nee Omwene okwa lombwela Moses ndee ta ti: “Shunifa onhaili yaAron koshipala shondobwedi i diininwe ngaashi edidiliko laava hava ngongota, ndele mana po okungongota kwavo opo ndiha pumbwe vali oku ku uda, opo vaha fye.”