NUMERI 14:43 - Ombibeli Iyapuki

⁴³ Osheshi Ovaamaleki nOvakaanan oko ve li komesho yeni ndele nye otamu ka dipawa keongamukonda, shaashi mwe liteeka kOmwene. Onghee hano Omwene ita ka kala pamwe nanye.”

NUMERI 14:43 Referans Kwoze

2 OMAFIMBO 15:2

nokwa fikama a ka shakeneke Asa ndele ta ti kuye: “Pwilikinei nge, Asa nOvajuda nOvabenjamin aveshe! Omwene ota kala pamwe nanye, ngeenge tamu kala pamwe naye, ndele ngeenge tamu mu kongo, otamu ke mu mona. Ndelenee ngeenge tamu mu efa, naye yo ote ke mu efa.

NUMERI 14:25

Ndelenee Ovaamaleki nOvakaanan eshi hava kala momalufilulongo, nye pilukeni mongula mu shune kombuwa nondjila yEfuta Litilyana.”

NUMERI 13:29

Ovaamaleki hava kala moshilongo shokoumbuwanhu, ndelenee Ovaheti, Ovajebusi, nOvaamori hava kala keemhunda, Ovakaanan hava kala pEfuta Lopokati nolanghele lwokuJordan.”

HOSEA 9:12

Heeno, nande nava kulife ovana vavo, ohandi ke ve va kufa po, paha kale nande ovanhu. Heeno, woo voovene, ngeenge handi va efa.”

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

OVATOKOLIPANGELI 16:20

Opo nee ye ta ti: Simson, Ovafilisti tave ku kwata! Ndele ye eshi a duduluka meemhofi daye, ye ta ti: Ame ohandi ke limangulula ngaashi shito nokulitukumuna. Osheshi ye ina shiiva nokutya, Omwene e mu efa.

DEUTERONOMION 28:25

“Omwene te shi ningi nokutya, ove to tewa kovatondadi voye. Nondjila imwe to i u ke va shakeneke, ndelenee neendjila heyali ove to ke va ya onhapo; ndele ove to ka ninga oixuna koilongo aishe kombada yedu.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

NUMERI 14:42

Inamu ya ko, osheshi Omwene ke mo mokati keni, inamu ya ko, otamu ka tewa kovatondadi veni.

NUMERI 14:44

Ndelenee ohaluka va ya mondubo yavo va ka londa komhunda. Ndelenee oshikefa shehangano naMoses inava dja monhanda.

JOSUA 7:12

Novana vaIsrael itava dulu vali okulipopila moipafi yovatondadi vavo. Otave ke va faduka po, osheshi voovene ve lilongela ehanauno. Ame ihandi ka kala vali pamwe nanye, fimbo nye inamu kufa mo mokati keni eshi sha tokolelwa ehanauno.

JOSUA 22:15

Vo eshi ve uya kovana vaRuben nokovana vaGad noketata lepata lovana vaManasse medu laGilead, vo ova popya navo ndele tava ti:

OMAPSALOME 44:10

Ove wa efa, tu shunifwe lwanima kovatondi vetu, novatondi vetu ova hakana oihakanwa.