NUMERI 14:40 - Ombibeli Iyapuki

⁴⁰ ndele ongula inene ove lilongekida va londe konhele yomhunda ndee tava ti: “Fye twe lilongekida okuya oko, Omwene e tu lombwela, osheshi fye otwa nyona.”

NUMERI 14:40 Referans Kwoze

DEUTERONOMION 1:41

“Opo nee nye mwa nyamukula nge ndele tamu ti: ‘Fye otwa nyona kOmwene. Fye vene ohatu ka ya okulwa naanaa ngaashi Omwene Kalunga ketu e tu lombwela.’ Ndele nye mwe lidilila keshe umwe oilwifo yoita ndele mwe lilongekida okuya keemhunda.

LUKAS 13:25

“Mwene weumbo ngeenge a fikama ndele ta pate po omuvelo, nye otamu hovele okukala ofika pondje nokukonghola pomuvelo nokwiifana: ‘Omwene, tu yeulula,’ Ye ote mu nyamukula ta ti: ‘Ame nghi mu shii, ndele nghi shii apa mwa dja.’

OMUUDIFI 9:3

Mwaaishe tai ningwa koshi yetango omu noshinima inashi yuka nokutya, oshipewa shimwe ashike tashi hange aveshe, nomutima yo wovana vovanhu u yadi owii, noulai hau kala momitima davo mokukalamwenyo kwavo. Ndele konima yaashi otaku iwa koonakufya!

NUMERI 15:30

Ndelenee omunhu ou ta nyono owina, ye ngeenge omudalelwa mo ile omunailongo, ota sheke Omwene, ye e nokudimwa mo moshiwana shavo.

NUMERI 22:34

Opo nee Bileam okwa nyamukula omweengeli ndee ta ti: “Ame nda nyona, osheshi inandi shiiva nokutya, ove ou li mondjila to kelele nge.” Ndelenee ondjila ei, ngeenge inai wapala momesho oye, ame ohandi shuna.

DEUTERONOMION 1:43

Ndelenee ame eshi nda popya, nye inamu pwilikina nande, ndelenee nye mwa li mu nondubo nelombwelo lOmwene ndele moukukutu weni mwa ya keemhunda.