NUMERI 14:29 - Ombibeli Iyapuki

²⁹ Oimhu yeni tai ka nangala mombuwa ei nokutya, aveshe ava va valwa, pamuvalo wavo, ava va wanifa omido omilongo mbali naava va koya po, ava va nongotela nge.

NUMERI 14:29 Referans Kwoze

NUMERI 1:45

Osho ngaha hano ava va valwa movana vaIsrael pamaumbo avo, ava va wanifa omido omilongo mbali ile va koya po, aveshe ava va wana okuhomona moita,

OVAHEBERI 3:17

Oolyelye ava e va uditile ehandu omido omilongo ine? Havaava va nyona, noimhu yavo ya nyonaukila mombuwa?

NUMERI 26:64

Ndele mokati kaava inamu kala nande ou a valwa kuMoses nokomupristeli Aron, vo eshi va valula mombuwa yaSinai ovana vaIsrael.

1 OVAKORINTO 10:5

Ndelenee nande ongaha, vahapu vomuvo Kalunga ine va hokwa, osheshi vo ova nyonauninwa po mombuwa.

JUDAS 1:5

Nande aishe omwe i shiivifilwa nale, onda hala oku mu dimbulukifa vali nokutya, Omwene ou a xupifa tete oshiwana medu laEgipiti, konima okwa nyona po aveshe venya va anya oku mu itavela.

NUMERI 1:46

aveshe ava va valwa ova li ve fike pomayovi omafele ahamano nomayovi atatu nomafele atano nomilongo nhano.

DEUTERONOMION 2:14

Ndele efimbo twa kala nokweenda okudja kuKades-Barnea fiyo okokamulonga kaSered, ola li omido omilongo nhatu nahetatu, fiyo epupi alishe lovakwaita vomonhanda la fya po, Omwene ngaashi e shi va anena.

JOSUA 5:6

Osheshi ovana vaIsrael va endaenda mombuwa omido omilongo nhee, fiyo ovanhu aveshe, tashi ti, ovakwaita venya va dja muEgipiti, venya inava dulika kondaka yOmwene ova fya, ovo va anenwa kOmwene, nokutya ite ke va monifa edu olo Omwene a udanekela ooxe nokwaana, Ye e li tu pe, oshilongo tashi kunguluka omashini nomaadi eenyiki.

OMAPSALOME 78:33

Onghee hano Ye okwa xulifa po omafiku avo ngaashi okaulapepo, nomido davo omeulumo letilifo.

HESEKIEL 20:38

Ndele Ame ohandi ka tongola mo mokati keni ovo ve nondubo ndele ve liteeka nge. Ame ohandi ke va pitifa mo moshilongo omo va kala ovanailongo, ndelenee vo itave ke uya medu laIsrael. Ndele vo otava ka shiiva nokutya, Aame Omwene.”

NUMERI 26:65

Osheshi Omwene okwe va tongele: Vo ve nokufila mombuwa. Ndele muvo inamu fyaala nande umwe, Kaleb yaJefunne naJosua yaNun, ovo aveke.

OMAPSALOME 106:26

Opo nee Ye e va yelulila eke laye, e va mane po mofuka,