NUMERI 14:24 - Ombibeli Iyapuki

²⁴ Ndelenee omupiya wange Kaleb, osheshi muye omwa li omhepo imwe ndele ye a shikula nge nomwenyo aushe, ye ohandi ke mu twala medu linya, a ile mo noludalo laye tali ke li nangala.

NUMERI 14:24 Referans Kwoze

OVAEFESO 6:6

muhe va longele noihelele okuwapalela ovanhu, ndelenee ongaashi ovayakuli vaKristus nokulonga komwenyo ehalo laKalunga,

OILONGA YOVAYAPOSTOLI 11:23

Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo.

DEUTERONOMION 1:36

kakele kaKaleb yaJefunne. Ye ote ke li mona, nokuye nokomaludalo aye Ame ohandi ke va pa edu omo ye a ile, shaashi ye okwa shikula Omwene nomutima aushe.’

NUMERI 26:65

Osheshi Omwene okwe va tongele: Vo ve nokufila mombuwa. Ndele muvo inamu fyaala nande umwe, Kaleb yaJefunne naJosua yaNun, ovo aveke.

NUMERI 13:30

Opo nee Kaleb a hetekela okungungumaneka oshiwana sha li shi nondubo naMoses, ndee ta ti: “Natu yeni ko tu li nangale; osheshi fye ohatu li dulu shili.”

OVAKOLOSSI 3:23

Keshe eshi tamu shi ningi, shi ningeni komitima deni nokulongela Omwene, hamunhu,

OMAPSALOME 119:80

Diininifa omutima wange keenghedimhango doye, ame ndiha xutuke.

2 OMAFIMBO 25:2

Nokwa ninga osho sha yuka moipafi yOmwene, ndelenee hanomutima aushe.

1 OMAFIMBO 29:18

Omwene, Kalunga kootate Abraham, Isak naIsrael, diinina fiyo alushe ehalo la tya ngaha lomadiladilo omitima dovanhu voye ndele omitima di yukifa kwoove,

1 OMAFIMBO 29:9

Novanhu va hafela ehalo liwa lavo, osheshi va yandja kOmwene nomutima aushe nehalo liwa. Nohamba David yoo ya li ya hafa unene.

DEUTERONOMION 6:5

Ndele ove hola Omwene Kalunga koye nomutima woye aushe, nomwenyo woye aushe, neenghono doye adishe.

OMAYELETUMBULO 23:26

Omumwange, pe nge omutima woye, omesho oye naa hokwe eendjila dange.

OMAPSALOME 119:145

Ohandi ku ingida nomutima aushe: Ude nge, Omwene, eenghedimhango doye onda hala oku di diinina.

NUMERI 14:30

Oshili, nye itamu ka ya medu olo nde li mu udanekela nokwaana nye mu li nangale, Kaleb yaJefunne oye aeke naJosua yaNun.