NUMERI 12:7 - Ombibeli Iyapuki

⁷ Ndelenee hasho shi nomupiya wange Moses. Ye omudiinini meumbo lange alishe.

NUMERI 12:7 Referans Kwoze

1 OVAKORINTO 4:2

Ndele komesho yoinima aishe omalenga otaa pulwa oudiinini.

OMAPSALOME 105:26

Opo nee Ye a tuma Moses, omupiya waye, naAron, ou a hoolola;

JOSUA 1:1

Moses, omupiya wOmwene eshi a fya, Omwene okwa popya naJosua yaNun, omupiya waMoses, ndele ta ti:

MATEUS 11:11

Oshili handi mu lombwele: mwaava va dalwa kovakainhu kaku nomunene e dule Johannes Omushashi; ndele ou munini e dulike kwaaveshe mouhamba womeulu, oye e mu dule.

1 TIMOTEUS 3:15

Ndelenee ngee handi imbwa kusha, ove u kale u shi shii nhumbi ove mwene u nokukala meumbo laKalunga, olo eongalo laKalunga omunamwenyo, olo ongudi nekanghameno loshili.

OILONGA YOVAYAPOSTOLI 7:31

Ndele emoniko olo Moses eshi e li mona, okwe li kuminwa, naashi a ehena ko e li tale nawa, okwa uda ondaka yOmwene tai ti:

MATEUS 11:9

Ile omwa ka talele ko shike? Okutala omuxunganeki ngeno? Oshili handi mu lombwele: Oye e dule omuxunganeki.

DEUTERONOMION 18:18

Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele.

DEUTERONOMION 34:5

Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela.

JOSUA 1:2

“Omupiya wange Moses okwa fya. Fikama hano, taulula Jordan, nye novanhu aveshe, mu ye moshilongo Ame handi ke shi pa ovana vaIsrael.

JOB 1:8

NOmwene ta pula Satana: “Ove wa didilika tuu omupiya wange Job? Osheshi kombada yedu kaku na nande umwe ngaashi ye: omulumenhu ehe noshipo, nomuyuki ndele ta tila Kalunga ndele ta kukuma owii.”

EXODUS 33:11

Opo nee Omwene okwa popya naMoses koshipala noshipala, ngaashi omulumenhu ta popi nakaume kaye. Opo ye ta shuna konhanda, ndelenee omupiya waye Josua, omulumenhu omunyasha, omona waNun, ina dja mo metwali.