NUMERI 12:5 - Ombibeli Iyapuki

⁵ Ndele Omwene okwa kolokela ko moluudi loshilemo nokwa kala ofika poshivelo shetwali leongalo. Opo nee ye a ifana Aron naMirjam, ndele vo vavali va ya ko.

NUMERI 12:5 Referans Kwoze

NUMERI 11:25

Opo nee Omwene okwa kolokela ko moshilemo ndee ta popi naye. Ndele Ye okwa tukula mo mOmhepo ei ya li kombada yaye ndele Ye e i tula kombada yovakulunhu omilongo heyali. Ndele fimbo omhepo ya kala kombada yavo, vo ova xunganeka. Ndelenee hakomesho vali.

EXODUS 34:5

Ndele Omwene okwa holoka moshilemo nokwa kala puye ofika. Ndele ye okwa ifana edina lOmwene.

OMAPSALOME 99:7

Oye e va popifa moshilemongudi; vo ova diinina omahepaululo aye, noipango ei Ye e va pele.

EXODUS 40:38

Osheshi momutenya oshilemo shOmwene sha kala kombada yetwali liyapuki nomoufiku omundilo wa kala ko, moipafi yeumbo alishe lOvaisraeli noweenda wavo aushe.

EXODUS 19:9

Ndele Omwene okwa lombwela Moses ta ti: “Tala, Ame ohandi ke uya kwoove moshilemo shilaula, ovanhu opo va shiive okuuda Ame eshi handi popi naave, navo yo va shiive oku ku itavela alushe.” Ndele Moses okwa hepaululila Omwene eendjovo dovanhu.

NUMERI 12:4

Opo nee divadiva Omwene okwa lombwela Moses naAron naMirjam: “Indeni ko, nye amushe vatatu, ketwali leongalo.” Ndele vo aveshe vatatu va ya ko.