NUMERI 11:25 - Ombibeli Iyapuki

²⁵ Opo nee Omwene okwa kolokela ko moshilemo ndee ta popi naye. Ndele Ye okwa tukula mo mOmhepo ei ya li kombada yaye ndele Ye e i tula kombada yovakulunhu omilongo heyali. Ndele fimbo omhepo ya kala kombada yavo, vo ova xunganeka. Ndelenee hakomesho vali.

NUMERI 11:25 Referans Kwoze

NUMERI 11:17

Opo nee Ame ohandi ka kolokela ko nokupopya naave. Ndele omhepo ei i li kombada yoye, Ame ohandi ke i tukula noku i tula kombada yavo. Ndele vo otave ke ku kwafa nokuhumbata oudjuu woshiwana, opo oove auke iho pumbwa oku u humbata.

1 SAMUEL 10:10

Vo eshi ve uya kuGibea, ongudu imwe yovaxunganeki ye mu shakeneka, nOmhepo yaKalunga ye uya kombada yaye, opo ye a xunganeka mokati kavo.

NUMERI 12:5

Ndele Omwene okwa kolokela ko moluudi loshilemo nokwa kala ofika poshivelo shetwali leongalo. Opo nee ye a ifana Aron naMirjam, ndele vo vavali va ya ko.

2 PETRUS 1:21

osheshi inapa etwa nande ouxunganeki kehalo lomunhu, ndelenee ovanhu ovayapuki ova popya odo ve di pewa kuKalunga nokuwilikwa kOmhepo Iyapuki.

2 EEHAMBA 2:15

Ovalongwa vomuxunganeki ovo va dja kuJeriko, ve shi tala pomunghulo, vo tava ti: “Omhepo yaElia ya kulukila muElisa.” Opo nee ve uya ve mu shakeneka ndele ve linyongamena kuye.

JAKOB 1:17

Keshe oshipewa shiwa, nokeshe oshali sha wanenena, ohashi di kombada, okuXe yomauyelele, kwaau puhe nomalundululo ile omapilauko ouyelele nomulaulu.

1 OVAKORINTO 14:32

Neemhepo dovaxunganeki ohadi dulika kovaxunganeki,

OILONGA YOVAYAPOSTOLI 11:28

Ndele umwe womuvo, edina laye Agabus, okwa fikama ndele ta xunganeke mOmhepo Iyapuki, ondjala idjuu tai ke uya kombada yedu alishe; osho ye uya yo mounyuni womukesari Klaudius.

OMAPSALOME 99:7

Oye e va popifa moshilemongudi; vo ova diinina omahepaululo aye, noipango ei Ye e va pele.

EXODUS 40:38

Osheshi momutenya oshilemo shOmwene sha kala kombada yetwali liyapuki nomoufiku omundilo wa kala ko, moipafi yeumbo alishe lOvaisraeli noweenda wavo aushe.

EXODUS 34:5

Ndele Omwene okwa holoka moshilemo nokwa kala puye ofika. Ndele ye okwa ifana edina lOmwene.

NUMERI 27:18

Opo nee Omwene okwa lombwela Moses ndee ta ti: “Kufa Josua yaNun, omulumenhu e nOmhepo. Ndele tenheka eke loye kombada yaye,

OVATOKOLIPANGELI 3:10

NOmhepo yOmwene ye uya kombada yaye, ndele ye okwa li omutokolipangeli wOvaisraeli ndele okwa fikama a ka homone. NOmwene okwa yandja momake aye Kusan-Risataim, ohamba yaMesopotamia, opo ye a taataa Kusan Risataim.

JESAJA 63:11

Opo ovanhu vaye ova dimbulukwa omafiku avo onale aMoses, ou e va endifa mefuta. Oku li peni pamwe novafita woshuunda shaye? Ou a tula muye Omhepo yaye Iyapuki, oku li peni?

HESEKIEL 8:11

Ndele komesho yayo pa kala ofika ovalumenhu omilongo heyali, vo ovakulunhu vomeumbo laIsrael nomokati kavo pa kala ofika Jaasanja, omona waSafan. Ndele keshe umwe womuvo e kwete oshitwiminifo meke laye, ndele mokalungululu komwifi wetwiminino mwa dja edimba.

EXODUS 32:32

Onghee hano paife ngeno Ove u va dimine po etimba lavo! Ngeenge hasho, dima mo yo edina lange membo loye we li shanga.”

NUMERI 16:25

Opo nee Moses okwa penduka ndele okwa ya kuDatan naAbiram, novakulunhu vaIsrael ve mu shikulila ko.

NUMERI 24:2

Ndele Bileam eshi a mona Ovaisraeli meenhanda pamapata avo, Omhepo yaKalunga ye uya kombada yaye.

NEHEMIA 9:20

Ndele we va pa Omhepo yoye iwa, i va longe, omakanya avo ino a anyena omanna, ndele we va pa omeva menota lavo.