NUMERI 11:23 - Ombibeli Iyapuki

²³ Ndelenee Omwene okwa lombwela Moses: “Eke lOmwene olixupi ngeno? Paife ove to ka mona ngeenge eendjovo dange tadi wanifwa kwoove ile ahowe.”

NUMERI 11:23 Referans Kwoze

JESAJA 59:1

Tala, eke lOmwene inali xupipala okukwafa, nomatwi aye inaa fita okuuda ko,

JESAJA 50:2

Omolwashike inapa kala nande umwe, eshi nde uya ko? Nande umwe a nyamukula nge, eshi nda ifana? Eke lange ola ninga mbela lixupi okukulila, ile kandi na vali eenghono okuxupifa? Tala, omeva omefuta otaa pwinine mo ketanguno lange, omilonga ohandi di shitukifa ombuwa, eeshi edi di li mo otadi olo, osheshi omeva okwa pwininina mo, ndele tadi fi enota.

HESEKIEL 12:25

Osheshi Ame, Omwene, Ame ohandi ka popya. Nondjovo ei Ame handi ka popya, otai ka wanifwa, itai kala ko. Osheshi momafiku tuu eni, epata ove londubo, Ame ohandi ka popya ondjovo imwe noku i wanifa yo, Omwene Kalunga ta ti.”

NUMERI 23:19

Kalunga ke fi pomunhu a fufye ngeno. Ile omona womunhu ye e lialuluke. Ye a tonga sha ngeno, ndelenee ite shi ningi mbela? Ile ta popi sha, ite shi wanifa hamba?

GENESIS 18:14

Ope na tuu sha tashi nyenge Kalunga? Pefimbo tuu eli momudo tau uya, Ame ohandi ka aluka, ndele ohandi hange Sara e na okaana okamati.”

LUKAS 1:37

osheshi Kalunga iha nyengwa kusha.”

MATEUS 19:26

Ndele Jesus okwe va tala ndele ta ti kuvo: “Heeno, ovanhu ohava nyengwa, ndele Kalunga iha nyengwa kusha.”

HESEKIEL 24:14

Aame Omwene, nde shi tya. Otau uya, ndele Ame ohandi ke u ninga. Ame itandi ka efa, itandi ka tala nolukeno ile okulialuluka. Pakweenda kwoye nopailonga yoye vo otave ke mu tokola, Omwene Kalunga ta ti.”

MATEUS 24:35

Eulu nedu otali xulu po, ndele eendjovo dange kadi na apa tadi xulu po.

MIKA 2:7

Eendjovo edi odeumbo laJakob mbela? Omwene omuhandunhu hamba? Oilonga yaye oi li ngaha tuu? Hamba eendjovo daye kadi shi diwa kwaau ta ende mouyuki?

OMAPSALOME 78:41

Ndele alushe ova li va shinda Kalunga, nova handukifa Omuyapuki waIsrael.

2 EEHAMBA 7:2

Ndelenee elenga, kokwooko kwalo ohamba tai likolelele, la nyamukula omulumenhu waKalunga, ndele tali ti: “Omwene nande a ninge eembululu domakende meulu, otashi ka dulika ngahelipi?” Ndele Elisa ta ti: “Tala, ove mwene oto ke shi mona, ndelenee ito ka lya kuyo.”

NUMERI 11:22

Eedi neengobe di noku va tomenwa, opo i kale ya wana kuvo? Ile eeshi domefuta ngeno di noku va ongelelwa, opo pa kale di va wanene?”

JEREMIA 14:9

Oshike Ove u li ngaashi omulumenhu a haluka, ngaashi omuladi ou ita dulu okukwafa? Ndelenee Ove tuu ou li mokati ketu, Omwene, nafye otwe ku lukilwa. Ino tu efa ngaho.

DANIEL 6:20

Ndele yo eshi ya ehena kekololo, oya ifana Daniel nondaka youfiye. Ohamba oya popifa Daniel tai ti: “Daniel, omupiya waKalunga omunamwenyo. Kalunga koye ho mu longele alushe, okwa shiiva tuu oku ku xupifa keenghoshi?”

EXODUS 6:1

Opo nee Omwene okwa nyamukula Moses ndele ta ti: “Paife ove oto ka mona eshi handi ka ningila Farao. Osheshi molweke li neenghono ote mu lekele mu dje mo, heeno, okefininiko leke li neenghono ye ote ke mu taataa mo moshilongo.”

2 EEHAMBA 4:43

Nomupiya waye ta nyamukula: “Ame ohandi dulu ngahelipi oku i yandjela ovalumenhu efele limwe?” Ndelenee ye ta ti: “Pa ovanhu va lye, osheshi Omwene ota ti ngaha: ‘Vo otava ka lya nokufiya po.’ ”

JEREMIA 32:17

Akutu Omwene, Kalunga! Tala, Ove owa shita eulu nedu neenghono doye dihapu nokwooko kwoye kwa yeluka. Ove iho nyengwa nande kusha.

JEREMIA 32:27

“Tala, Aame Omwene, Kalunga kombelela aishe, ope na tuu oshinima tashi nyenge nge?