NUMERI 11:22 - Ombibeli Iyapuki

²² Eedi neengobe di noku va tomenwa, opo i kale ya wana kuvo? Ile eeshi domefuta ngeno di noku va ongelelwa, opo pa kale di va wanene?”

NUMERI 11:22 Referans Kwoze

MATEUS 15:33

Ndele ovalongwa tava ti kuye: “Omingome di fike apa ohatu di hange peni mombuwa omu, okukutifa ongudu i fike apa?”

2 EEHAMBA 7:2

Ndelenee elenga, kokwooko kwalo ohamba tai likolelele, la nyamukula omulumenhu waKalunga, ndele tali ti: “Omwene nande a ninge eembululu domakende meulu, otashi ka dulika ngahelipi?” Ndele Elisa ta ti: “Tala, ove mwene oto ke shi mona, ndelenee ito ka lya kuyo.”

JOHANNES 6:9

“Ope nokamati ke nomingome nhano doilya neeshi mbali, ndelenee edi tadi kwafa shike kwaava ve fike apa.”

LUKAS 1:34

Opo Maria ta ti komweengeli: “Eshi otashi ka ningwa ngahelipi, osheshi omulumenhu nghi mu shii?”

LUKAS 1:18

Sakaria okwa tya komweengeli: “Eshi ohandi shi dimbulukwa koshike? Osheshi ame onda kula nomukainhu wange okwa kulupa.”

MARKUS 8:4

Ndele ovalongwa vaye ove mu nyamukula: “Otapa monika peni oikulya mombuwa omu okupalula ovanhu ava?”

MARKUS 6:37

Ye okwe va nyamukula ta ti: “Va peni oikulya.” Vo ova tya kuye: “Natu ke va landele omingome deedenari omafele avali, fye tu va pe va lye?”

NUMERI 11:13

Openi handi ka kufa ombelela ndi pe ovanhu aveshe ava? Osheshi ohava fininike nge nokulila kwavo ndele hava ti: ‘Tu pa ombelela tu lye.’

NUMERI 11:21

Opo nee Moses ta ti: “Ovalumenhu omayovi omafele ahamano, omuvalu wovalumenhu vokolupadi mokati kavo ame nda kala, ndele Ove wa tile: Ame ohandi ke va pa ombelela, ndee vo otava ka lya ohani aishe!

NUMERI 11:23

Ndelenee Omwene okwa lombwela Moses: “Eke lOmwene olixupi ngeno? Paife ove to ka mona ngeenge eendjovo dange tadi wanifwa kwoove ile ahowe.”