NUMERI 11:2 - Ombibeli Iyapuki

² Opo nee ovanhu va ifana Moses, ndele Moses okwa ilikana Omwene, opo nee omundilo wa hovela okudima.

NUMERI 11:2 Referans Kwoze

NUMERI 21:7

Novanhu ove uya kuMoses ndee tava ti: “Fye otwa nyona eshi twa popya nokupa Kalunga naave oushima. Tu indilila kOmwene, Ye a kufe po pufye omayoka.” Ndele Moses okwa ilikanena ovanhu.

JAKOB 5:16

Hepaululilafaneni omatimba eni, nye mu ilikanenafane, opo mu velulwe; eilikano lashili lomuyuki otali dulu shihapu.

1 JOHANNES 5:16

Omunhu ngeenge ta mono omumwaxe ta longo oulunde kau fi oulunde wokufya, oye ne mu ilikanene, ndele Ye ote mu pe omwenyo nokutya, ava itava longo oulunde wokufya. Oku nomatimba oo okufya, havo handi tongo, va ilikanenwe.

OVAHEBERI 7:26

Heeno, omupristeli omukulunhu a tya ngaha okwe tu wapalela yo, omuyapuki ehe nomatimba, ke na nande oshipo, a yoololwa movalunde, nokwa ningwa munene a yelwa pombada yomaulu.

OILONGA YOVAYAPOSTOLI 8:24

Opo nee Simon okwa nyamukula ta ti: “Ilikanenei nge kOmwene, oshinima eshi mwe shi popya shiha hange nge nande okanini.”

JEREMIA 42:2

ndele va lombwela omuxunganeki Jeremia ndele tava ti: “Omaindilo etu twe a eta koshipala shoye, tu indilila kOmwene Kalunga koye nokwiindilila oixupe ei aishe, osheshi ofye ava twa xupa movanhu vahapu, okangudu kanini, ngaashi u tu wete,

JEREMIA 37:3

Ohamba Sedekia okwa tuma Jukal yaSelemja nomupristeli Sefania yaMaasea komuxunganeki Jeremia ndele ta ti: Tu ilikanena Omwene Kalunga ketu.

JEREMIA 15:1

Ndele Omwene okwa lombwela nge: Nande Moses naSamuel va kale ofika koshipala shange, omwenyo wange itau liameke vali koshiwana eshi. Va ta po koshipala shange. Nava ye!

JESAJA 37:4

Pamwe Omwene Kalunga koye ta udu eendjovo daRabsake, ou a tumwa komwene waye, ohamba yaAsiria, e mu tuma okusheka Kalunga omunamwenyo, ndele te mu handukilile eendjovo odo Kalunga koye e di uda. Ndele ove yelula eindilo molwoshixupe osho shi li po natango.”

OMAPSALOME 106:23

Opo Ye a uka oku va hanauna po, ndelenee e shi efifwa kuMoses, omuhoololwa waye, ou a ile kuye, oku va popila, Ye a pungulule po puvo ehandu laye loku va kanifa.

EXODUS 34:9

ndele ta ti: “Omwene, ngeenge nda filwa onghenda koshipala shoye, Omwene na ende pamwe nafye, osheshi ovanhu ava ve neefingo da kukuta. Ndelenee dima po omanyonauno etu nomatimba etu, ndele tu tambula ngaashi oshifyuululwa shoye.”

NUMERI 12:11

Opo nee Aron okwa lombwela Moses ndee ta ti: “Akutu, omwene wange, ino tu valulila etimba eli twe li ninga moulai wetu.

NUMERI 12:13

Ndele Moses okwa ifana pombada Omwene, ndee ta ti: “Akutu, Kalunga! Mu velula!”

EXODUS 10:18

Ndele ye okwa dja po puFarao nokwa indila kOmwene.