NUMERI 11:15 - Ombibeli Iyapuki

¹⁵ Ndele Ove ngeenge wa hala okuningila nge ngaha, shi dule Ove to dipaa nge, ngeenge nda mona onghenda momesho oye, opo ndi efwe ndiha tale omupya ou.”

NUMERI 11:15 Referans Kwoze

JONA 4:3

Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.”

JEREMIA 20:18

Omolwashike ame onda pita mo medimo lameme ndi mone oudjuu noluhepo, ndi xulife omafiku ange nokufifwa ohoni!

1 EEHAMBA 19:4

Ndelenee ye mwene okwa ya kombuwa ondjila yefiku limwe ndele ta kala omutumba momudile woshixwa sheno nokwe lihalela efyo, ndele ta ti: “Sha wana. Omwene, kufa omwenyo wange, osheshi ame ndihe dule ootate.”

SEFANIA 3:15

Okuhandukilwa kwoye, Omwene okwa kufa po omatokolo oye nokwa taataa po ovatondadi voye. Ohamba yaIsrael, Omwene, e li mokati koye. Ove ito ka tila vali owii washa.

EXODUS 32:32

Onghee hano paife ngeno Ove u va dimine po etimba lavo! Ngeenge hasho, dima mo yo edina lange membo loye we li shanga.”

JAKOB 1:4

Ndelenee elididimiko nali kale li noshilonga sha wana, opo mu kale mwa wana muhe noshipo nomuhe na eshi mwe shi pumbwa.

JEREMIA 15:18

Omolwashike ouyehame wange tau kalele nge alushe? Noshipute shange sha handuka, tashi anye okuveluka? Ove u li kwaame ngaashi ekungulukilo lomeva tali pwinine, ngaashi omeva itaa kalelele.

JOB 7:15

Onghee hano nda hoolola okupondwa, okufya ku dule oipongolo ei yange.