NUMERI 1:46 - Ombibeli Iyapuki

⁴⁶ aveshe ava va valwa ova li ve fike pomayovi omafele ahamano nomayovi atatu nomafele atano nomilongo nhano.

NUMERI 1:46 Referans Kwoze

NUMERI 26:51

Omuvalo wovana vaIsrael ava va valwa oyou: omayovi omafele ahamano neyovi limwe nomafele aheyali nomilongo nhatu.

EXODUS 38:26

Obeka imwe (tashi ti etata losekeli pasekeli letwali liyapuki) komunhu keshe, heeno komunhu keshe ou a tulwa momuvalu, ou a wanifa omido omilongo mbali ile e di dule, kumwe kovanhu ve fike pomayovi omafele ahamano nomayovi atatu, nomafele atano nomilongo nhano.

EXODUS 12:37

NOvaisraeli ova dja muRameses ndele va ya kuSukkot, vo va li ve fike ngeno povalumenhu omayovi omafele ahamano kolupadi kakele kovakainhu nounona.

NUMERI 2:32

Ovo ava va valwa vomovana vaIsrael pamaumbo avo. Aveshe ava va valwa vomeenhanda pamatanga avo ova li omayovi omafele ahamano nomayovi atatu, nomafele atano nomilongo nhano.

2 OMAFIMBO 13:3

Ndele Abia okwa hovela oita, a fikama nomatanga ovakwaita ovaladi omayovi omafele ane ovalumenhu ovanyasha. Ndele Jerobeam okwe mu tandela ombinga novalumenhu ovaladi omayovi omavele ahetatu.

1 OMAFIMBO 21:5

Ndele Joab okwa yandja kohamba David omuvalu wovanhu. MuIsrael mwa li ovalumenhu va wana okulwa ve li omiliyona nomayovi efele, ndele muJuda omayovi omafele ane nomafele omilongo heyali aveke.

1 EEHAMBA 4:20

Ovajuda nOvaisraeli va li vahapu ngaashi eheke li li komunghulo wefuta. Ova lya, va nwa ndele va hafa.

2 SAMUEL 24:9

Ndele Joab okwa yandja kohamba omuvalu wovanhu. MuIsrael mwa li ovalumenhu va wana okulwa omayovi omafele ahetatu, ndele muJuda omayovi omafele atano aveke.

DEUTERONOMION 10:22

Omuvalo wooxo ava va ya kuEgipiti wa li omilongo heyali, ndelenee paife Omwene Kalunga koye e ku hapupalifa ngaashi eenyofi dokeulu.

NUMERI 23:10

Olyelye a vala ouwe veheke laJakob? Nolyelye oshitukulwa oshitine shomuIsrael? Ame nandi fye ngaashi ovayuki hava fi nexulilo lange nali ninge ngaashi lavo.”

GENESIS 28:14

Noludalo loye otali ka kala ngaashi ondwi yedu, ndele to ka tandavela kouninginino nokoushilo, koumbangalanhu nokoumbuwanhu. Nomwoove nomoludalo loye omapata aeshe okombada yedu otaa ka nangekwa noupuna.

GENESIS 26:3

Kala ngaashi omunailongo moshilongo eshi, ndele ame ohandi ka kala pamwe naave; noludalo loye ohandi ke li pa oilongo ei. Ame ohandi ka wanifa eano nde li anenene xo Abraham.

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

GENESIS 17:6

Ndele Ame ohandi ku pe oludalo lihapu unene: Ame ohandi ke ku ninga oiwana, neehamba otadi ka holoka mwoove.

GENESIS 15:5

Opo nee Ye okwe mu twala pondje ndele ta ti: “Tala pombada keulu ndele to vale eenyofi, ngeenge oto dulu tuu oku di vala.” Ndele Ye okwe mu lombwela: “Osho oludalo loye tali ka kala.”

GENESIS 13:16

Ndele Ame ohandi ka hapupalifa oludalo loye ngaashi ondwi yedu, ngeenge ope na omunhu ta dulu okuvala ondwi yedu, ota shiiva yo okuvala oludalo loye.

GENESIS 12:2

Ndele Ame ohandi ku ningi oshiwana shinene, ndele handi ku nangeke noupuna ndele handi ku ningile edina linene, ndele ove to ka kala omunangeki noupuna.

NUMERI 1:45

Osho ngaha hano ava va valwa movana vaIsrael pamaumbo avo, ava va wanifa omido omilongo mbali ile va koya po, aveshe ava va wana okuhomona moita,

NUMERI 14:29

Oimhu yeni tai ka nangala mombuwa ei nokutya, aveshe ava va valwa, pamuvalo wavo, ava va wanifa omido omilongo mbali naava va koya po, ava va nongotela nge.

NUMERI 11:21

Opo nee Moses ta ti: “Ovalumenhu omayovi omafele ahamano, omuvalu wovalumenhu vokolupadi mokati kavo ame nda kala, ndele Ove wa tile: Ame ohandi ke va pa ombelela, ndee vo otava ka lya ohani aishe!