NEHEMIA 9:6 - Ombibeli Iyapuki

⁶ Esra okwa ti: “Oove auke Omwene, Ove wa ninga eulu, eulu lopombadelela neengudi dalo adishe, nedu naaishe i li ko, nefuta naaishe i li mo, naaishe oyo Ove to i diinine i kale nomwenyo, nomatanga omeulu tae linyongamene koshipala shoye.

NEHEMIA 9:6 Referans Kwoze

JESAJA 37:16

“Akutu Omwene womatanga ovakwaita, Kalunga kaIsrael! Ove wa kala omutumba kolukalwapangelo tali humbatwa kovakerubi, Oove auke Kalunga koilongo aishe yedu, Ove wa shita eulu nedu.

GENESIS 1:1

Pehovelo Kalunga okwa shita eulu nedu.

EHOLOLO 4:11

“Omwene wetu naKalunga ketu, Ove owa wana okutambula efimano nefimaneko nepangelo, osheshi Ove owa shita oinima aishe, ndele kehalo loye oi li po, noya shitwa.”

DEUTERONOMION 10:14

Tala, eulu nomaulu nongonga yedu naashishe shi li mo, oshOmwene Kalunga koye.

DEUTERONOMION 6:4

“Pwilikina, Israel, Omwene Kalunga ketu, Oye Omwene aeke.

JESAJA 44:8

Inamu kala mwa haluka, nye inamu tila! Inandi shi ku shiivifila noku ku udifila nalenale? Ndele onye eendobwedi dange! Ope na tuu Kalunga kamwe kehe fi Aame? Ahowe, kape na emanya limwe lexupifo, kandi mu shii nande umwe.”

JESAJA 44:6

Omwene, ohamba yaIsrael nOmukulili waye, Omwene Kalunga komatanga ovakwaita ota ti: “Aame ou, omutete nomuxuuninwa, Aame andike Kalunga, kape na vali umwe.

2 EEHAMBA 19:15

Ndele Hiskia okwa indila koshipala shOmwene ndele ta ti: “Omwene, Kalunga kaIsrael, Ove ho kala omutumba kovakerubi, Oove auke Kalunga koilongo aishe yokombada yedu. Ove wa shita eulu nedu!

GENESIS 2:1

Osho ngaha eulu nedu nomangafifi alo a xulifwa a pwa.

JESAJA 43:10

Omwene ta ti: “Onye eendobwedi dange, nomupiya wange, ou nde mu hoolola, opo mu shiive nge, nye mu itavele nge, nye mu shiive kutya, Aame tuu ou. Kape na kalunga a shitwa, nde mu shikula, ndele pehe na umwe ta shikula nge.

EHOLOLO 14:7

Nokwa popya nondaka yomokule: “Tileni Kalunga, nye mu mu fimaneke, osheshi efimbo letokolo laye ole uya; linyongameneni ou a shita eulu nedu nefuta needjo domeva.”

OMAPSALOME 36:6

Ouyuki woye owa pama ngaashi eemhunda daKalunga, omatokolo oye oku li ngaashi oule womeva efuta; Omwene, Ove to kwafa omunhu noshinamwenyo.

1 EEHAMBA 8:27

Ndelenee Kalunga, oto dulu ngaho shili okukala kedu? Eshi neulu loovene itali ku wanene okukala mo, hano oto wana ngahelipi motembeli ei nda tunga?

OVAHEBERI 1:3

Oye evadimo lefimano laye nolupe loukwatya waye, ou ha humbatifa oinima aishe ondjovo yeenghono daye, Ye eshi a wanifa muye mwene ekoshelo lomatimba etu, okwa kala omutumba kolulyo lOmufimanekwa mokombadambada,

OVAHEBERI 1:6

Nongaashi eshi ta eta mo vali Oshiveli shaye mounyuni, ota ti: “Novaengeli aveshe vaKalunga ove nokulinyongamena kuye.”

JESAJA 37:20

Hano paife, Omwene Kalunga ketu, tu xupifa momake aye, oilongo aishe yedu i ka shiive, Oove auke Omwene Kalunga.”

OMAPSALOME 86:10

osheshi Oove omunene nomulongi woikumwifa, Oove auke Kalunga.

2 EEHAMBA 19:19

Tu xupifa, Omwene Kalunga ketu, momake ayo, opo oilongo aishe yokombada yedu i shiive nokutya, Oove Omwene auke Kalunga kashili.”

HESEKIEL 20:11

Ndele Ame nde va pa eenghedimhango dange, ndele nde va shiivifila omalombwelo ange, omunhu ou te a diinine, ta kala e nomwenyo molwao.

OMAPSALOME 146:6

ou omushiti weulu nedu, nomeva efuta naashishe eshi shi li mo, ou omudiinini fiyo alushe,

OMAPSALOME 103:21

Eengudu dovakwaita vaye amushe, hambeleleni Omwene, ovapiya vaye nye, ava hamu wanifa ehalo laye.

OMAPSALOME 33:6

Eulu ola shitifwa ondjovo yOmwene, neengudi dalo adishe okomhepo yokanya kaye.

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

JOHANNES 10:30

Ofye naTate umwe.”

GENESIS 32:2

Ye, eshi e va mona, okwa ti: “Olo etanga lovakwaita vaKalunga!” Ndele ye okwa luka onhele ei Mahanaim.

OILONGA YOVAYAPOSTOLI 4:24

Ndele moku shi uda vo aveshe ova twala ondaka yavo pombada kuKalunga ngaashi omunhu umwe, tava ti: “Omwene, Oove wa shita eulu nedu nefuta nakeshe eshi shi li mo.

NEHEMIA 9:5

NOvalevi Josua naKadmiel, Bani, Hasabneja, Serebja, Hodia, Sebanja, Petahja tava ti: “Kaleni ofika! Hambeleleni Omwene Kalunga keni alushe fiyo omoukwaalushe! Edina loye la fimana nali hambelelwe, lo ola yeluka kombada omapandulo nomahambelelo aeshe!”

OMAPSALOME 24:10

Ohamba yefimano olyelye hano? Omwene weengudu dovakwaita, Oye tuu ohamba yefimano. Sela

OMAPSALOME 102:25

Nalenale Oove wa shita edu, nomaulu oo oshilongwa shomake oye.

OMAPSALOME 115:15

Nye ovanangekwa noupuna kOmwene, ou a shita eulu nedu.

JESAJA 45:12

Ame nda shita edu nonda shitila omunhu kombada yedu. Aame, omake ange okwa valela eulu neengudu dalo adishe, Ame nde di ifana.

JONA 1:9

Ndele ye okwe va nyamukula, ta ti: “Aame Omuheberi, ndele handi tila Omwene Kalunga komeulu, ou a shita efuta nedu likukutu.”

GENESIS 1:9

Ndele Kalunga okwa ti: “Omeva okoshi yeulu naa ongale monhele imwe, opo oukukutu u monike.” Ndele osho sha ningwa.

DEUTERONOMION 32:39

“ ‘Taleni hano, nokutya Aame tuu ou, ndele kape na oshikalunga shimwe ponho yange. Ame handi dipaa ndele Ame handi tula omwenyo. Ame ohandi teyaula po, ndele Ame ohandi velula; ndele pehe na nande umwe ta xupifa momake ange.

OMAPSALOME 124:8

Ekwafo letu oli li medina lOmwene, ou omushiti weulu nedu.

JEREMIA 32:17

Akutu Omwene, Kalunga! Tala, Ove owa shita eulu nedu neenghono doye dihapu nokwooko kwoye kwa yeluka. Ove iho nyengwa nande kusha.