NEHEMIA 9:19 - Ombibeli Iyapuki

¹⁹ Ove omolwefilonghenda loye linene ino va efa mombuwa. Oluudi loshilemo inali kanduka po puvo omutenya, le va endifa nondjila, noluudi lomundilo yo oufiku le va minikilila ondjila vo va li ve nokweenda nayo.

NEHEMIA 9:19 Referans Kwoze

OMAPSALOME 106:45

nokwe va dilakanena ehangano laye navo, nokwe va kenukila pauwanghenda waye munene,

NEHEMIA 9:27

Onghee hano Ove we va yandja momake ovatondadi vavo, ndele ovo ve va fininika. Ndelenee alushe ngeenge va kuwa kwoove mefimbo loudjuu wavo, Ove we va uda meulu omolwefilonghenda loye linene, we va pa ovaxupifi, ve va xupife momake ovatondadi vavo.

MALAKIA 3:6

Osheshi Ame Omwene ihandi lunduluka. Ndele nye ovana vaJakob inamu xula po.

NEHEMIA 9:12

Ndele we va kwatela komesho omutenya moluudi loshilemo ndele oufiku moluudi lomundilo u va minikilile ondjila nayo va li ve nokweenda.

DANIEL 9:18

Kalunga kange, endeka okutwi kwoye Ove u ude, pashukifa omesho oye Ove u tale okuhalakanifwa kwetu noshilando sha lukilwa edina loye, osheshi ihatu eta omailikano etu koshipala shoye molwouyuki wetu, ndelenee omolwefilonghenda loye linene.

DANIEL 9:9

Omwene Kalunga ketu Ye oku nefilonghenda nedimepo lomatimba, osheshi fye otwa twa ondubo naye,

NUMERI 14:14

ndele ve shi tongela oonakukalamo moshilongo eshi. Venya ova uda nokutya, Ove Omwene u li mokati koshiwana eshi, osheshi Ove Omwene we liholola moipafi yavo. Noshilemo shoye tashi kala kombada yavo, ndele Ove ho va kwatele komesho moluudi loshilemo momutenya nomoluudi lomundilo oufiku.

HESEKIEL 20:22

Ndelenee Ame nda alula eke lange ndele nde shi ninga molwedina lange, opo liha dinwe momesho oiwana yovapaani, moipafi yavo Ame nde va pitifa mo.

HESEKIEL 20:14

Ndelenee Ame nde shi ninga molwedina lange, opo liha dinwe momesho oiwana yovapaani, moipafi yavo Ame nde mu pitifa mo.

OMAIMBILOKEMO 3:22

molwouwanghenda wOmwene fye inatu kombwa po sheke, osheshi omafilonghenda aye kaena apa taa xulu po;

JESAJA 44:21

Akutu Jakob naave Israel, dimbulukwa oinima ei, osheshi oove omupiya wange; Ame onde ku ma, oove omupiya wange, ihandi ku dimbwa, Israel.

NEHEMIA 9:31

Ndelenee omolwefilonghenda loye linene Ove ino va mana po sheke ndele ino va efa, osheshi Oove Kalunga u nefilonghenda nonghenda.

EXODUS 40:38

Osheshi momutenya oshilemo shOmwene sha kala kombada yetwali liyapuki nomoufiku omundilo wa kala ko, moipafi yeumbo alishe lOvaisraeli noweenda wavo aushe.

1 SAMUEL 12:22

Osheshi Omwene omolwedina laye linene ina hala okweekelashi ovanhu vaye, osheshi Omwene a hala oku mu ninga oshiwana shaye mwene.

EXODUS 40:36

Keshe olufo oshilemo eshi sha dja po petwali liyapuki, ovana vaIsrael va fikama moweenda wavo aushe,

DEUTERONOMION 8:2

Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe.

OMAPSALOME 136:16

Oye tuu, a taululifa ovanhu vaye mombuwa, osheshi alushe ouwanghenda waye tau kala po;

HESEKIEL 20:17

Ndelenee eisho lange le va tala nolukeno, onghee inandi va komba po noinandi va mana po sheke mombuwa.