NEHEMIA 8:8 - Ombibeli Iyapuki

⁸ Ndele vo va lesha membo, momhango yaKalunga, va lesha nawa ndele ve i fatulula, opo va kale ve udite ko odo da leshwa.

NEHEMIA 8:8 Referans Kwoze

OILONGA YOVAYAPOSTOLI 28:23

Ovo ve mu pa efiku, ndele eshi la fika, vahapu ve dule voshito ove uya kuye monduda yaye. Ndele ye okwe va fatululila ndele te va hepaululile ouhamba waKalunga, ndele te va longo okuhovela ongula fiyo onguloshi, nokwa hetekela oku va tomhifa omhango yaMoses novaxunganeki, va koneke Jesus.

LUKAS 24:45

Opo nee Ye okwe va fatululila eendunge davo okushiiva omishangwa.

LUKAS 24:32

Ndele vo ova tongafana: “Omitima detu inadi xwama tuu mufye, eshi a popya nafye mondjila ndele okwe tu fatululila omishangwa!”

LUKAS 24:27

Ndele Ye okwa hovela muMoses nomovaxunganeki aveshe, ndele okwe va fatululila adishe de mu tiwa momishangwa adishe.

HABAKUK 2:2

Opo nee Omwene okwa nyamukula nge, ndele ta ti: “Emoniko li shanga, ove u li nyolele moipelende yelova, li shiive okuleshwa noupu,

ESRA 4:18

Onhumwafo mwe i tu tumina onde i leshelwa nawa.

NEHEMIA 8:7

Ndele Josua naBani naSerebja, Jamin, Akkub, Sabbetai, Hodia, Maasea, Kelita, Asaria, Josabad, Hanan, Pelaja nOvalevi va longa ovanhu omhango, fimbo ovanhu va kala ofika peenhele davo.

NEHEMIA 8:9

Opo nee omupangeli Nehemia naEsra omupristeli nomunongo womishangwa nOvalevi ovo va longa oshiwana nokulombwela oshiwana ashishe tava ti: “Efiku eli ola yapulilwa Omwene Kalunga keni. Inamu nyika oluhodi nye inamu lila!” Osheshi oshiwana ashishe sha lila, eshi sha uda eendjovo domhango.

NEHEMIA 8:12

Opo oshiwana ashishe sha fikama sha lya ndele sha nwa ndele sha tumina eendja ovo inava telekelwa sha ndele sha dana oshivilo shehafo. Osheshi osho sha li shi udite ko eendjovo she di lombwelwa.

2 EEHAMBA 23:2

Nohamba ya ya mongulu yOmwene novalumenhu aveshe vaJuda noonakukalamo aveshe vomuJerusalem va ya pamwe nayo, nosho yo ovapristeli novaxunganeki novanhu aveshe, ounona novakulunhu. Ndele yo oya lesha eendjovo adishe domembo lehangano, lo la monika mongulu yOmwene, yo oye li leshela momatwi avo.

NEHEMIA 9:3

Ndele va kala ofika peenhele davo ndele va leshelwa membo lomhango yOmwene Kalunga kavo mokafimbo okatine komefiku, ndele va hepaulula omatimba nokwiilikana Omwene Kalunga kavo mokafimbo okatine komefiku.

HESEKIEL 46:10

Nohamba i nokweendela pamwe navo, ngeenge tava i mo nongeenge tava aluka ko, yo i nokwaalukila pamwe navo.