NEHEMIA 8:18 - Ombibeli Iyapuki

¹⁸ Okwa lesha membo lomhango yaKalunga keshe efiku, okudja kefiku lotete fiyo okefiku laxuuninwa. Ndele va dana oshivilo omafiku aheyali ndele mefiku etihetatu okwa li oshiongalele shoshivilo pamalombwelo.

NEHEMIA 8:18 Referans Kwoze

NUMERI 29:35

“Mefiku etihetatu mu nokwoongala koshiongalele shoshivilo. Inamu longa sha shomoilonga yeni.

LEVITIKUS 23:36

Momafiku aheyali mu nokweetela Omwene omundiloyambo. Mefiku etihetatu ope noshiongalele sheni shiyapuki, ndele mu nokweetela Omwene omundiloyambo. Olo efimbo loshivilo. Inamu longa sha.

JOHANNES 7:37

Ndele mefiku linene, laxuuninwa loshivilo, Jesus a kala ofika nota ingida mokule ta ti: “Ngeenge pe na ou a fya enota, ne uye kwaame ye a nwe.

LEVITIKUS 23:41

Ngaashi oshivilo shOmwene mu noku shi dana omafiku aheyali keshe omudo. Oyo onghedimhango yaalushe komaludalo nomaludalo. Mohani onhiheyali mu noku shi dana.

NEHEMIA 8:2

Ndele omupristeli Esra okwa eta omhango komesho yoshiongalele shovalumenhu noshovakainhu naaveshe ve neendunge oku i uda. Eshi osha ningwa mefiku lotete mohani onhiheyali.

NEHEMIA 8:3

Nokwa lesha mo muyo ponhele ya andjuka komesho yOshivelo shomeva, oketendo leluwa fiyo opokati komutenya moipafi yovalumenhu noyovakainhu ava ve neendunge okushiiva. Nomatwi ovanhu aveshe ve a pakalekela embo lomhango.