NEHEMIA 8:1 - Ombibeli Iyapuki

¹ Ndele ohani onhiheyali eshi ye uya, Ovaisraeli fimbo va kala moilando yavo, oshiwana ashishe sha ongala ngaashi omunhu umwe ponhele ya andjuka komesho yOshivelo shomeva ndele ovanhu va lombwela Esra, omunongo womishangwa, a ete embo lomhango yaMoses, ei Omwene e i pa Ovaisraeli.

NEHEMIA 8:1 Referans Kwoze

ESRA 7:6

Esra oye tuu ou, a fikama a dja muBabilon. Ye okwa li omunongo womishangwa, omukoneki womhango yaMoses, oyo ya yandjwa kOmwene, Kalunga kaIsrael. Nohamba ye mu pa ashishe ye e shi hala, shaashi eke lOmwene, Kalunga kaye, la li kombada yaye.

NEHEMIA 3:26

Novayakuli votembeli va li va kala koshikulundu Ofel fiyo okonhele ya shaama nOshivelo shomeva, kombinga yokoushilo noposhungongulu tai tumbu.

2 OMAFIMBO 34:15

Opo nee Hilkia ta ti komushangi Safan: “Ame nda mona embo lomhango mongulu yOmwene.” Opo nee Hilkia a yandja embo lomhango kuSafan.

ESRA 7:11

Neshangululo lonhumwafo oyo ohamba Artasasta ya yandja kuEsra, omupristeli nomunongo womishangwa, ou a li omukoneki weendjovo doipango neenghedimhango dOmwene e di pa Ovaisraeli, olo ngaha:

MATEUS 23:34

Ndele tala, Ame ohandi tumu kunye ovaxunganeki novanaendunge novanongo vomishangwa. Vamwe vavo otamu va dipaa ndele tamu va valele komushiyakano, vamwe otamu va denge neeshokoto omeeshinagoga deni, ndele tamu va taataa moshilando noshilando;

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

MATEUS 23:2

ndele ta ti: “Ovanongo vomishangwa nOvafarisai ove li omutumba kolukalwa laMoses.

MATEUS 13:52

Ndele opo nee Ye okwe va lombwela: “Onghee hano keshe omunongo womishangwa ou a ninga omulongwa wouhamba wokeulu okwa fa mwene weumbo, ta holola melimba laye oipe noikulu.”

MALAKIA 4:4

Dimbulukweni omhango yaMoses, omupiya wange, ei Ame nde i mu lombwela kuHoreb, i ninge eenghedimhango noipango kuIsrael ashishe.

JESAJA 8:20

Dameni komhango nokondobwedi! Ngeenge itava tongo ngaho, eluwa itali va tendele vali.

NEHEMIA 12:37

Ndele va enda nokuyuka va koya Oshivelo Shefifiya ndele va londa keendodo doshilando shaDavid konhele apa ohotekuma tai tumbu kombada yongulu yaDavid, fiyo okOshivelo shomeva shokoushilo.

NEHEMIA 8:16

Novanhu va ya ndele ve i eta ndele ve li ningila omatwali, keshe umwe konduda yaye nomoluumbo longulu yaKalunga nomonhele ya andjuka yopOshivelo shomeva nomonhele ya andjuka yopOshivelo shaEfraim.

OVATOKOLIPANGELI 20:8

Opo nee ovanhu aveshe va fikama ngaashi omunhu umwe, ndele tava ti: “Nande umwe mufye aha ye koshihambo shaye ndele nande umwe womufye aha ye keumbo lavo;

OVATOKOLIPANGELI 20:1

Opo nee ovana aveshe vaIsrael va ongala ngaashi omulumenhu umwe auke okudja kuDan fiyo okuBerseba, pamwe noshilongo shaGilead koshipala shOmwene muMispa.

2 OMAFIMBO 34:30

Nohamba oya ya kongulu yOmwene novalumenhu aveshe vaJuda noonakukalamo muJerusalem novapristeli nOvalevi novanhu aveshe, ovakulunhu novanyasha, ndele yo oya leshela momatwi avo eendjovo adishe domembo lehangano olo la monika mongulu yOmwene.

ESRA 7:10

Osheshi Esra a paka omutima waye mokukonakona omhango yOmwene noku i shikula nokulonga Ovaisraeli eenghedimhango nomalombwelo ayo.

NEHEMIA 8:3

Nokwa lesha mo muyo ponhele ya andjuka komesho yOshivelo shomeva, oketendo leluwa fiyo opokati komutenya moipafi yovalumenhu noyovakainhu ava ve neendunge okushiiva. Nomatwi ovanhu aveshe ve a pakalekela embo lomhango.

LEVITIKUS 9:5

Opo nee vo va eta komesho yetwali leongalo oyo va lombwelwa kuMoses. Neongalo alishe la ehena popepi nola kala ofika koshipala shOmwene.

DEUTERONOMION 31:11

Ovaisraeli aveshe eshi tave uya va holoke koshipala shOmwene Kalunga koye monhele oyo Ye te ke i hoolola, ove u nokulesha omhango ei moipafi yOvaisraeli aveshe, momatwi avo.

2 EEHAMBA 23:2

Nohamba ya ya mongulu yOmwene novalumenhu aveshe vaJuda noonakukalamo aveshe vomuJerusalem va ya pamwe nayo, nosho yo ovapristeli novaxunganeki novanhu aveshe, ounona novakulunhu. Ndele yo oya lesha eendjovo adishe domembo lehangano, lo la monika mongulu yOmwene, yo oye li leshela momatwi avo.

ESRA 7:1

Ndele konima yoinima oyo mepangelo laArtasasta, ohamba yaPersia, Esra yaSeraja yaAsaria yaHilkia

NEHEMIA 12:26

Vo ova li pomafiku aJehoiakim yaJosua yaJosadak nopomafiku omupangeli Nehemia nomupristeli Esra, omunongo womishangwa.