NEHEMIA 7:4 - Ombibeli Iyapuki

⁴ Oshilando shoovene sha li shinene sha tandavela, ndelenee ovanhu vomusho va li vanini, neengulu inadi tungululwa natango.

NEHEMIA 7:4 Referans Kwoze

MATEUS 6:33

Ndelenee kongeni tete ouhamba waKalunga nouyuki waye, opo tamu wedelwa ko ei aishe.

JESAJA 58:12

Ndele ava tava di mwoove otava ka tungulula oikulukuma yonale. Omakanghameno omapupi onale oto ke a tungulula, ndele ove oto ka ifanwa omuhondji womifya dohotekuma, nomulongololi weendjila, pa shiive okukalwa.

NEHEMIA 7:3

ndele nde va lombwela: Oivelo yaJerusalem iha yeululwe fimbo omutenya inau twa. Novanangeli fimbo ve li po poivelo, oivelo i nokwiidilwa po nokutula po omiti da shindjakana. Noonakukala muJerusalem nava tulwe mo ovanangeli, nakeshe umwe ponhele yaye nakeshe umwe pongulu yaye.

NEHEMIA 7:5

Opo nee Kalunga a tula momutima wange ediladilo nokutya, ndi ifane ovanamadina novakomesho novanhu va ongale, va shangelwa meshikulafano lomapata. Naame nda mona eshikulafano lovanhu ava ve uya tete, ndele nda mona, nokutya mulo mwa shangwa:

NEHEMIA 11:1

Novakulunhu voshiwana va kala muJerusalem, ndelenee oshixupe shovanhu va umba oshihoololifo, opo umwe womwaava omulongo a kale moshilando shiyapuki shaJerusalem, ndele vakwao omugoi omomikunda.

NEHEMIA 11:2

Novanhu va nangeka noupuna ovalumenhu aveshe ovo va hala kehalo lavo liwa okukala muJerusalem.