NEHEMIA 7:1 - Ombibeli Iyapuki

¹ Nohotekuma eshi ya tungwa, ame nda tula mo omivelo. Novanangeli vopoivelo novaimbi nOvalevi va tulwa po.

NEHEMIA 7:1 Referans Kwoze

NEHEMIA 6:15

Nohotekuma ya pwa okutungwa mefiku etimilongo mbali netitano mohani Elul, eshi pa pita omafiku omilongo nhano nambali.

NEHEMIA 6:1

Ndele Sanballat naTobia naGeshem Omuarabi novatondadi vetu vamwe eshi va kundana, nokutya nda tunga ohotekuma ndele inapa fyaala nande omufya inau vandekwa, nande pefimbo olo inandi tula mo omipito domoivelo natango,

2 OMAFIMBO 31:2

Ndele Hiskia okwa tula po eengudu dovapristeli nodOvalevi paengudu davo, pashilonga shakeshe umwe ngeenge paupristeli ile paulevi, okuyakula nokupandula nokuhambelela poivelo yonhanda yOmwene fimbo omaxwikiloyambo nomapanduloyambo taa yambwa.

NEHEMIA 12:24

Ovakulunhu vOvalevi ovava: Hasabja, Serebja naJosua, Kadmiel, novamwaina ovalumenhu ava va kala ofika va shaama navo okuhambelela nokupandula palombwelo laDavid, omulumenhu waKalunga pongudu nongudu:

NEHEMIA 11:3

Novakulunhu voshitukulwalongo, ava va kala muJerusalem ovava: momikunda domuJuda keshe umwe a kala mepya laye lomoshilando shavo: Ovaisraeli ovapristeli nOvalevi novayakuli votembeli novana vovapiya vaSalomo.

NEHEMIA 10:39

Osheshi Ovaisraeli nOvalevi ve nokweeta eeshaliyambo doilya nodomaviinyu nodomaadi keendjuwo omo oinima yotembeli i li mo, novapristeli ava ve li moshilonga novanangeli vopoivelo novaimbi ve li mo. Osheshi inatu hala okweefa ongulu yaKalunga ketu.

ESRA 3:8

Ndele momudo omutivali eshi va fika kongulu yaKalunga muJerusalem, mohani onhivali, Serubbabel yaSalatiel naJosua yaJosadak novamwaina vamwe ovapristeli nOvalevi naaveshe va dja moukwatwa ndele ve uya kuJerusalem, ova hovela okutunga, ndele va tula Ovalevi ava ve nomido omilongo mbali ile ve di koya, va pashukile oshilonga shongulu yOmwene.

2 EEHAMBA 7:10

Ndele ve uya ndele tava ingida kovanangeli voposhivelo shoshilando ndele ve va hepaululila tava ti: “Fye twa ile konhanda yOvaarami, ndelenee taleni, kakwa li nande umwe, nande ondaka yomunhu. Ndelenee eenghambe da mangwa, neendongi da mangwa, omatwali a li ko ngaashi a kala.”

NEHEMIA 6:19

Vo ova lombwela nge yo ouwa waye, ndele va twala eendjovo dange kuye. Tobia okwa tuma eenhumwafo a mbadapaleke nge.