NEHEMIA 5:5 - Ombibeli Iyapuki

⁵ Ndele paife; omalutu etu e li ngaashi omalutu ovakwetu novana vetu ve li ngaho ngaashi ovana vavo, ndele nande ongaha, fye tu nokuyandja ovana vetu ovamati noukadona va ninge ovapika ndele novana vetu oukadona va ninga nokuli ovapika, ndele hatu nyengwa okuninga sha moshinima osho. Nomapya etu noikokola yetu yomiviinyu ya ninga yovanhu vamwe.”

NEHEMIA 5:5 Referans Kwoze

2 EEHAMBA 4:1

Ndele omukainhu umwe, omwalikadi womulongwa womuxunganeki okwa lombwela Elisa, ta ti: “Omulumenhu wange, omupiya woye, okwa fya, ndele u shi shii nokutya, omupiya woye kwa li omulumenhu ha tila Kalunga. Paife nakulilwa oikolo te uya okukufa po ovana vange vavali, va ninge ovapika vaye.”

JESAJA 58:7

Oleli, u pambulile omufindjala komungome woye, ove u idilile omapongo meumbo loye? Ngeenge to mono omunhu e li olutu longaho, mu djaleka, ove ino hondama ou ombelela yoye.

GENESIS 37:27

Ileni, natu mu landife po kOvaismael, ndelenee inatu mu kumeni nomake, osheshi ye omumwatate, onhumba yetu.” Novamwaxe ve mu uda.

MATEUS 18:25

Ndele eshi a li hamakasha, ehe na eshi ta futu, omwene waye okwa yandja elombwelo, a landwe po pamwe nomwalikadi waye novana nakeshe eshi e shi kwete, oikolo yaye i futwe.

GENESIS 29:14

Opo nee Laban okwe mu lombwela: “Oshili, ove ekipa lange nombelela yange.” Ndele ye a kala puye ohani aishe.

JESAJA 50:1

Omwene ota ti ngaha: “Omushangwa wehengo wanyoko ou li peni, ou nde mu hengifa po? Ile olyelye ou nde mu lila oikolo nonde mu landifa po? Tala, nye omwa landifwa po omolwomanyonauno eni, nomolwomatauluko eni nyoko okwa hengwa po.

OMAYELETUMBULO 22:7

Oshipuna tashi pangele eehepele. Naau e noikolo ta ningi omupika waau e mu pa eengele.