NEHEMIA 5:15 - Ombibeli Iyapuki

¹⁵ Osheshi ovapangeli ovo va tetekela nge, ova djuupaleka unene oshiwana ndele va kufa kusho oikulya nomaviinyu avo nosho yo eesekeli omilongo nhee doshisiliveli. Ovapiya vavo yo ova hepeka oshiwana, ndelenee ame inandi shi ninga omolwetilo lokutila Kalunga.

NEHEMIA 5:15 Referans Kwoze

NEHEMIA 5:9

Ndele nde va lombwela vali: “Osho mwe shi ninga, inashi wapala. Ndishi mu nokweenda metilo laKalunga ketu nokuli omolwesheko lovapaani, ovatondadi vetu?

JESAJA 50:10

Olyelye womokati keni ha tila Omwene ndele ta udu ko ondaka yomupiya waye? Ou ta ende momilaulu noku he na eenhe douyelele, ne lineekele edina lOmwene, ye ne liameke kuKalunga.

OMAYELETUMBULO 16:6

Okunyona taku yavelelwa nohole noudiinini, nomokutila Omwene omunhu ta kukuma owii.

2 OVAKORINTO 11:9

Ndelenee ovamwatate ovo va dja kuMakedonia, ova kwafa nge eshi nda li nde shi pumbwa; nomoinima aishe onde livangeka ndihe mu lolole, osho handi ningi nokomesho.

MATEUS 5:47

Ndele ngeenge hamu popifa vakweni aveke, mu shii hamu ningi oshinima shinene? Novapaani ihave shi ningi yo?

JOB 31:23

Osheshi okuteyaulwa po kwange nde ku twikwa kuKalunga okwa halukifa nge unene, ame nda nyengwa, nda nyengelelwa epangelofimano laye.

2 OVAKORINTO 12:13

Osheshi openi mwa fya oluhepo mu dulike komaongalo makwao, shapu opopo ame inandi ninga omutengi weni? Kufilei nge po owii ou.

OMAYELETUMBULO 29:12

Omupangeli ou ta pwilikine eendjovo doipupulu, ota mono ovapiya ovahenakalunga aveke.

OMAPSALOME 147:11

Omwene oha hokwa ava, have mu tila, ovava hava tula elineekelo lavo mouwanghenda waye.

OMAPSALOME 112:1

Halleluya! Omulumenhu omunelao ou ha tila Omwene, ndele ta hokwa shili oipango yaye.

1 SAMUEL 8:15

Ndele tai ka kufa oitimulongo mwaayo mwe i kuna moikokola yeni yomiviinyu ndele tai i yandje komalenga ayo nokovapiya vayo.

GENESIS 20:11

Ndele Abraham okwa nyamukula ta ti: “Ame nda diladila oshili kutya monhele ei kamu na etilokalunga. Vo otava dulu okudipaa nge molwomwalikadi wange.

GENESIS 42:18

Ndele mefiku etitatu Josef okwe va lombwela ta ti: “Ngeenge mwa hala okukala nomwenyo, omu na okulonga eshi, nde mu lombwela osheshi ame handi tila Kalunga!

NEHEMIA 5:16

Ndele ame mwene yo nda li moshilonga shokutunga ohote nomutima aushe. Inatu lilandela epya. Novapiya vange aveshe va ongala poilonga.

JEREMIA 32:9

Ndele ame onda landa olo laHanamel, omutekulu wange, ndele nde mu valela oimaliwa eesekeli oisiliveli omulongo naheyali.

OMAIMBILOKEMO 5:8

Ovapika have tu pangele; kape nomunhu te tu nakula momake avo.