NEHEMIA 2:13 - Ombibeli Iyapuki

¹³ Ndele nda pita mo mOshivelo shefilu oufiku, nda londa nda yuka kombinga yOfifiya yeyoka nokOshivelo shoushosho. Ndele nda konakona eehotekuma daJerusalem, odo da ngumaunwa po, noivelo yasho ya xwikwa nomundilo.

NEHEMIA 2:13 Referans Kwoze

NEHEMIA 1:3

Ndele va lombwela nge kutya, oonakuxupilwa venya va xupa po kokukwatwa, va fyaala moshilongo, ove li moluhepo linene nomefifohoni. Ohotekuma yaJerusalem oya ngumaunwa po noivelo yasho ya xwikwa po nomundilo.

NEHEMIA 2:17

Opo nee handi ti kuvo: “Nye mu wete oluhepo eli tu li mulo, nokutya Jerusalem sha tokekwa noivelo yasho ya xwikwa nomundilo. Ileni tu tungululeni ohotekuma yaJerusalem, tuha kale vali oshitevo shokushekwa.”

NEHEMIA 2:3

ndele handi ti kohamba: “Ohamba nai kale nomwenyo fiyo alushe! Omolwashike oshipala shange shiha nyike oluhodi, eshi oshilando omo ootate va pakwa sha tokekwa noivelo ya xwikwa po nomundilo?”

2 OMAFIMBO 26:9

Ussia okwa tunga vali eehoteshungo muJerusalem pOshivelo Shokolonela nopOshivelo Shefilu nopOkolonela, nokwe di pameka.

NEHEMIA 12:31

Ndele nda lombwela ovakulunhu vaJuda va londe kohotekuma ndele nda nangekela ko eengudu mbali dinene dovaimbi noyeendo yoshivilo kohotekuma, imwe kolulyo kombinga yOshivelo shoushosho,

NEHEMIA 2:15

Opo nee oufiku mefilu nda londa ndele nda konakona ohotekuma. Opo nee nda aluka vali handi piti mOshivelo shefilu nde uya mo.

JEREMIA 5:10

Londeni kohotekuma yasho nye mu shi hanaune po, ndelenee inamu shi teyaula po sheke. Teteni po omashila omiviinyu, osheshi kae fi Omwene.

NEHEMIA 2:12

ame nda fikama oufiku novalumenhu vamwe pamwe naame. Ndelenee inandi shiivifila nande omunhu umwe osho Kalunga kange e shi tula momutima wange ndi shi ningile Jerusalem. Pwaame kapa li nande oshilondomwa ponho yoshilondomwa osho nda li nda londa.