NEHEMIA 13:18 - Ombibeli Iyapuki

¹⁸ Ooxo yeni osho va ningile, onghee hano Kalunga ketu e tu etela noshilando eshi omupya aushe ou. Heeno, nye otamu hapupalifa oupyuhandu kombada yaIsrael, eshi tamu shekifa efiku lEshabata.”

NEHEMIA 13:18 Referans Kwoze

HESEKIEL 23:26

Vo otave ke ku dula oikutu nokukufa po omaliwapeko oye.

HESEKIEL 23:8

Ndelenee ye ina efa okuhaelwa kwaye, kwa hovela muEgipiti. Osheshi venya ova li va nangala naye mounyasha waye, ndele vo ova umbatela eenhulo daye doukadona nova tilashi kombada yaye oihole yavo.

JEREMIA 44:9

Hamba nye omwa dimbwa omawii ooxokulu nomawii eehamba daJuda nomawii ovakainhu vavo nomawii eni vene nomawii ovakainhu veni ve u ninga moshilongo shaJuda nomomapandavanda aJerusalem?

JEREMIA 17:27

Ndelenee ngeenge itamu pwilikine nge, nye itamu yapula efiku lEshabata noku li diinina notamu humbata omitengi mefiku lEshabata nokweenda moivelo yaJerusalem mefiku lEshabata, opo ohandi ka shakala omundilo moivelo yasho, tau lafa po eengulu doipuna domuJerusalem ndele itau dimi po.

NUMERI 32:14

Ndee taleni, nye mwa fikama ponhele yooxo, oludalo nye lovalunde opo mu wede ko vali oupyuhandu wOmwene okuhandukila Israel.

LEVITIKUS 26:28

Ame ohandi ke mu anya moupyuhandu ndele Ame ohandi ke mu handukila luheyali omolwomatimba eni.

LEVITIKUS 26:18

“Ndele nye natango tuu ngeenge itamu pwilikine nge, opo Ame ohandi mu handukile luheyali molwomatimba eni.

JEREMIA 44:22

Opo Omwene ina dula vali oku li lididimikila owii woilonga yeni nomolwoixuna mwe i longa, onghee oshilongo sheni osha ninga omakulukuma nomaputu nondjovo yefingano shihe novanhu, ngaashi shi li nena eli.

JEREMIA 44:23

Osheshi nye omwa xwika omayambo nomwa nyona kOmwene, ndele inamu dulika kondaka yOmwene nye inamu enda pamhango, pamalombwelo nopamaufo aye, onghee hano omupya ou owe mu hanga ngaashi u li paife.”

EXODUS 31:12

Omwene okwa popya vali naMoses ndele ta ti:

NEHEMIA 10:32

Ndele twa udafana oshinakuwanifwa eshi, nokutya tu yandje momudo keshe okatitatu kosekeli molweyakulo lomotembeli yaKalunga.

AMOS 8:5

eshi tamu ti: “Ohani ipe onaini tai fi ko, opo fye tu shiive okulandifa oilya, nEshabata, opo tu shiive okumatula okaanda, fye tu ninipike oshiyelekifo sheefa, ndele tu nenepeke oshiyelekifo shasekeli nokufufya noshiyelekifo shoipupulu,