NEHEMIA 12:44 - Ombibeli Iyapuki

⁴⁴ Ndele mefiku tuu olo ovalumenhu va tulwa po okupashukila omalimba, omo mwa li eeshaliyambo, noshipe noitimulongo. Vo va li ve nokwoongela pamhango oitukulwa oyo yovapristeli noyOvalevi ava ve li moshilonga, tai ongelwa komapya oilando, osheshi Juda sha hafela ovapristeli nOvalevi ava va li moshilonga.

NEHEMIA 12:44 Referans Kwoze

OVAROMA 12:7

ngeenge e na oshilongayakulo, ne shi diinine, ou ta longo ovanhu, na kale omudiinini mokulonga;

JESAJA 40:31

ndelenee ovo hava teelele Omwene, otava pewa eenghono dipe, otava yelula omavava pombada ngaashi eenhwa. Otava tondoka, ndele itava loloka, tava ende, ndele itava wile po.

OMAYELETUMBULO 8:34

Omunelao omunhu ou ta pwilikine nge, ou ta kala oupafi poivelo yange efiku nefiku, ou ta nangele peemhanga deenhu dange.

1 OMAFIMBO 23:28

ndelenee oshilonga shavo sha li okuyakula oludalo laAron moshilonga shomongulu yOmwene, ngaashi ovapashukili voihale noveendjuwo nokuyelifa oinima aishe iyapuki noilonga yomongulu yaKalunga,

1 OMAFIMBO 9:26

Osheshi ovakulunhu vane vovanangeli va kala efimbo alishe moshilonga shavo. Vo va li Ovalevi, ava va li ve nokupashukila eendjuwo nomamona omongulu yaKalunga.

NUMERI 3:10

Ndelenee Aron novana vaye ovamati u noku va yapulila oshilonga shoupristeli. Ndele omuyeni ou ta ehene po, e nokudipawa.”

DEUTERONOMION 18:8

Vo aveshe nava pewe eendja davo oshipewa shi fike pamwe, ponho yaasho, umwe e shi likola mokulanda po sha shomefyuululo laye.

1 OMAFIMBO 26:20

NOvalevi novamwaina ovalumenhu ava va li ovadiinini vomamona ongulu yaKalunga novomamona eeshali diyapuki, ovava: Ovaahia.

NEHEMIA 10:36

noiveli yomovana vetu ovamati noiveli yomoimuna yetu ngaashi sha shangwa momhango, noiveli yeengobe detu noyeedi detu, tu i twale kongulu yaKalunga ketu kovapristeli ava hava longo mongulu yaKalunga ketu,