NEHEMIA 12:43 - Ombibeli Iyapuki

⁴³ Ndele mefiku tuu olo va yamba omayambo manene ndele va hafa, osheshi Kalunga e va hafifa unene. Novalikadi yo nounona va hafa, onghee hano ondaka yehafo lokuJerusalem la udika kokule.

NEHEMIA 12:43 Referans Kwoze

ESRA 3:13

Novanhu va nyengwa okutongola ondaka yehafo mondaka yelilaano lovanhu, osheshi ovanhu va kuwilila pombada nondaka ya udika kokule.

OMAPSALOME 92:4

Osheshi Omwene, Ove wa hafifa nge mokulonga kwoye; ohandi nyakukilwa oilonga yomake oye.

JEREMIA 31:13

Mefiku olo okakadona taka nyakukwa nokutanha, nosho yo ovamati novakulunhu pamwe. Noluhodi lavo ohandi ke li shitukifa nohandi va hekeleke nohandi va hafifa ehafo konima yoluhodi lavo.

JAKOB 5:13

Mokati keni ngeenge ope na ou e noudjuu, na ilikane, naau e nehafo, na imbe epandulo.

OVAEFESO 5:19

hokololelafaneni omapsalome nomalwiimbo opamhepo, nokwiimbila nokuhambelela Omwene momitima deni,

JOHANNES 16:22

Nanye yo paife omu noluhodi, ndelenee Ame ohandi mu mono vali, omutima weni otau ka hafa, ndele kape na ou te mu nyeka ehafo leni.

MATEUS 21:15

Ndele ovapristeli ovakulunhu novanongo vomishangwa eshi va mona oikumwifa ye e i longa, nounona, nhumbi va ingida motembeli va tya: “Hosianna, Omona waDavid”, ova umana

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

JEREMIA 33:11

otamu ka udika vali ondaka yehafo nondaka yenyakuko, ondaka yomuhomboli nondaka yomuhombolwa nondaka yaava hava ti: “Hambeleleni Omwene womatanga ovakwaita, osheshi Omwene Oye muwa, nouwanghenda waye ohau kala fiyo alushe!” Nondaka yaava tava eta omayambo ehambelelo kotembeli yOmwene, osheshi osho sha hange oshilando ohandi ke shi lundulula, shi kale ngaashi nale, Omwene osho ta ti.

JESAJA 61:3

okudika komutwe woonakunyika oluhodi vaSion, embale loulenga ponhele yomute, nomuvavo wehafo ponhele yoluhodi, oshikutu shehambelelo ponhele yomhepo ya djuupala; opo vo va ifanwe omiti domiterebinti douyuki, oshikunino shOmwene shoku mu fimanekifa.

OMAPSALOME 28:7

Omwene Oye omupameki wange noshikelelifo shange; Oye nde lineekela momutima wange nonda mona ekwafo. Osho nee sha nyakula omutima wange, nohandi mu pandula neimbilo lange.

OMAPSALOME 27:6

Osho hano omutwe wange otau ka lunda dovatondi vange ava va dingilila nge; ame nda hala okuyamba omayambo ekuwililo mongulu yaye, nda hala okwiimbila Omwene noku mu hambelela.

JOB 34:29

Ndele Ye ngeenge ta mwena, olyelye ta dulu oku mu tokola? Ndele ngeenge ta holeke oshipala shaye, olyelye ta dulu oku mu tala? Ye ota pashukile oshiwana ngaashi omunhu keshe,

2 OMAFIMBO 20:27

Opo nee ovalumenhu aveshe vomuJuda novomuJerusalem naJosafat komesho yavo va shuna nehafo kuJerusalem. Osheshi Omwene e va hafifa molwovatondadi vavo.

2 OMAFIMBO 20:13

NOvajuda aveshe va kala ofika koshipala shOmwene pamwe nounona vavo novalikadi vavo novana vavo ovamati.

2 OMAFIMBO 7:10

Ndele mefiku etimilongo mbali netitatu mohani onhiheyali okwa lekela ovanhu va ye komatwali avo. Va hafa nokushambukwa komwenyo omolwoinima iwa Omwene a ningila David naSalomo noshiwana shaye Israel.

1 SAMUEL 4:5

Ndele nee oshikefa shehangano lOmwene eshi she uya monhanda, Ovaisraeli aveshe va yelula ondaka tava ingida va hafa, nedu la kakama.

NUMERI 10:10

Momafiku eni ehafo ngaashi yo moivilo yeni nopehovelo leehani deni dipe, nye mu nokushika omanghuma pomaxwikiloyambo eni nopomapanduloyambo eni. Oo otae mu dimbulukifa koshipala shaKalunga keni. Aame Omwene Kalunga keni.”

NEHEMIA 12:42

naMaasea naShemaia naEliaser naUssi naJohanan naMalkia naElam naEser. Novaimbi va imba omaimbilo omahambelelo. Ndele Jisrakja okwa li omuwiliki.

OMAPSALOME 9:2

Nda hala okuhafela nokunyakukilwa mwoove, nda hala okwiimbila etumbalo ledina loye, Ove ou wOkombadambada.

NEHEMIA 12:27

Nohotekuma yaJerusalem eshi ya li i nokuyapulwa, Ovalevi va kongwa meenhele davo adishe, va etwa kuJerusalem va dane oshivilo sheyapulo nehafo nomaimbilo epandulo, nokwiimba nokushika ounghuma nouxumbafeta neenyalilo.