NEHEMIA 1:6 - Ombibeli Iyapuki

⁶ okutwi kwoye naku ude nomesho oye naa pashuke, u pwilikine omailikano omupiya woye, ame eshi handi ilikanene koshipala shoye omutenya noufiku ovana vaIsrael, ovapiya voye, nokuhepaulula omatimba ovana vaIsrael, aa twa nyona kwoove; naame yo neumbo lange la nyona.

NEHEMIA 1:6 Referans Kwoze

DANIEL 9:20

Fimbo ame handi popi natango ndele handi ilikana nohandi hepaulula omatimba ange nomatimba oshiwana shange, Israel, ndele handi eta koshipala shOmwene Kalunga kange omaindilo ange, handi indilile omhunda iyapuki yaKalunga kange,

DANIEL 9:4

Ndele ame onda ilikana Omwene, Kalunga kange, ndele nda hepaulula nda tya: “Akutu Omwene, Kalunga kanene nowa tilika, Ove ou to diinine ehangano nouwanghenda kwaava ve ku tila nokuwanifa oipango yoye.

OMAPSALOME 34:15

Omesho Omwene okwe a talifila ovayuki, nomatwi aye okwe a ameka kekwenauko lavo.

OMAPSALOME 106:6

Fye nootate, atushe otwa nyona, twe livilikita ndele twa longa oidinifikalunga.

2 OMAFIMBO 29:6

Osheshi ootate va nyona ndele va ninga osho inashi yuka moipafi yOmwene Kalunga ketu, ndele ve mu efa ndele va pilamena otembeli yOmwene ndele ve i pa ombuda.

2 OMAFIMBO 6:40

Kalunga kange, omesho oye naa pashukile eilikano lomonhele ei nomatwi oye naa pwilikine eilikano lomonhele ei.

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

1 JOHANNES 1:9

Ndele ngeenge hatu hepaulula omatimba etu, Ye omudiinini nomuyuki opo te tu kufile po omatimba ndele te tu kosho ouhenouyuki aushe.

LUKAS 18:7

Hano Kalunga ita yukifile mbela ovahoololwa vaye oshinima shavo ava have mu ifana pombada omutenya noufiku ye a fye ounye ngeno oku va kwafa?

2 TIMOTEUS 1:3

Ame ohandi pandula Kalunga, ou handi mu longele, nghee sha dja kootatekulu neliudo la yela, ngaashi ihandi efa oku ku dimbulukwa momailikano ange oufiku nomutenya

OMAIMBILOKEMO 5:7

Ootate ova nyona; kave po vali. Ofye ohatu humbata owii wavo.

1 TIMOTEUS 5:5

Ndele omufiyekadielela omulikaleli ota tula elineekelo laye muKalunga, ota kala mokwiilikana nomokwiindila oufiku nomutenya.

OMAPSALOME 130:2

Omwene, uda ondaka yange! Omatwi oye naa pwilikine nawa ondaka yomailikano ange.

OMAPSALOME 55:17

Onguloshi nongula nomutenya ohandi lili nokunyemata, opo Ye ota udu ondaka yange.

OMAPSALOME 32:5

Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela

ESRA 10:1

Ndele fimbo Esra ta indile ndele ta wile eombe mokulila, ndele ta hepaulula komesho yongulu yaKalunga, muIsrael mwa dja ongudu inene yovalumenhu noyovakainhu nounona tave uya kuye, osheshi ovanhu va lila nokulililila.

OVAEFESO 2:3

mokati kavo nafye yo atushe twa endaenda nale, omolwisho lombelela yetu twa shikula ouhalu wombelela noweendunge ndele twa li ovana vehandu paushitwe wetu nongaashi vamwe yo.

LUKAS 2:37

ndele pefimbo olo okwa li omufiyekadi e nomido omilongo hetatu nanhee. Ye ina dja mo nandenande motembeli, ndelenee okwa longela mo Kalunga oufiku nomutenya nokulidilika nokwiilikana.

OMAPSALOME 88:1

Omwene, Kalunga kexupifo lange, omutenya aushe ohandi ku ifana, noufiku ohandi ingida mokule koshipala shoye.

ESRA 10:11

Hano peni Omwene Kalunga kooxo efimano ndele ningeni osho tashi mu wapalele, ndele tukaukeni moiwana yomoshilongo nomovalikadi ovanailongo.”

2 OMAFIMBO 28:10

Ndele paife tamu diladila okuninga ovana vaJuda novaJerusalem ovapika veni ovalumenhu novakainhu. Kamu na nokuli mbela omanyonauno mahapu koshipala shOmwene Kalunga keni?

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.

1 EEHAMBA 8:30

Uda hano omailikano ange nomailikano ovanhu voye Ovaisraeli, ngeenge tava taalele onhele ei nokwiilikana. Heeno, meumbo loye meulu tu uda u tu dimine po.

1 EEHAMBA 8:47

moshilongo shoukwatwa, ngeenge tave lialuluka, ndele tave ku indile nokuhepaulula nghee va nyona kwoove, Omwene, uda eindilo lavo.

NEHEMIA 1:11

Akutu Omwene, okutwi kwoye naku ude hano eindilo lovapiya voye ovo va hala okutila edina loye! Ndele nena eli pa omupiya woye elao, u mu pe onghenda komesho yomulumenhu ou.” Osheshi ame nda li omupindili wohamba.

OMAPSALOME 102:17

ote liameke komaindilo ovaefiwa, ndele ita dini omakweno avo.

DANIEL 9:5

Ofye otwa nyona, twa ninga eshi inashi yuka, twa kolokosha, ndele twa lundakana, ndele twa yapuka mo moipango yoye nomeenghedimhango doye.

DANIEL 9:8

Omwene, fye neehamba detu novakulunhu vetu nootatekulu, ohatu fyohoni, osheshi fye otwa nyona kwoove.

DANIEL 9:15

“Hano paife Omwene Kalunga ketu, Ove ou wa tembula oshiwana shoye muEgipiti neke loye leenghono ndele we li ningila edina ngaashi li li nena eli. Fye otwa nyona, fye inatu dulika.