NEHEMIA 1:10 - Ombibeli Iyapuki

¹⁰ Vo ndishi ovapiya voye noshiwana shoye, ovo we va xupifa neenghono doye dinene neke loye la pama.

NEHEMIA 1:10 Referans Kwoze

DEUTERONOMION 9:29

Akutu, vo ovanhu voye, oshifyuululwa shoye, we shi pitifa mo meenghono doye dinene nokwooko kwa yeluka.

EXODUS 32:11

Ndelenee Moses okwe liindilila onghenda kOmwene Kalunga kaye, ndele ta ti: “Akutu Omwene, omolwashike ehandu loye la xwamenena ovanhu voye, ove we va pitifa mo muEgipiti neenghono dinene neke li neenghono?

JESAJA 64:9

Omwene, ino tu handukila unene Ove ino dimbulukwa alushelushe oulunde wetu. Tala, heeno, tala, fye atushe ngaashi tu li ofye ovanhu voye.

OMAPSALOME 136:12

neke la li li neenghono, nokwooko kwa tanganana, osheshi alushe ouwanghenda waye tau kala po;

OMAPSALOME 74:2

Dimbulukwa eongalo loye, eli we liongelela nalenale, nowe li likulilila, li kale epata loyelela. Dimbulukwa omhunda yaSion, ei ho kala kombada yayo.

DEUTERONOMION 15:15

Dimbulukwa nokutya, ove mwene owa li omupika medu laEgipiti, ndele Omwene Kalunga koye e ku xupifa mo. Onghee hano ame ohandi ku lombwele eshi.

EXODUS 15:13

Ndele mouwanghenda woye ove wa endifa oshiwana shoye we shi kulila; neenghono doye we va fikifa konhele yoye iyapuki.

EXODUS 13:9

Naashi nashi kale edidiliko lomeke loye nedimbulukifodidiliko kombada yoshipala shoye, opo omhango yOmwene i kale mokanya koye. Osheshi neke li neenghono Omwene e ku pitifa muEgipiti.

EXODUS 6:1

Opo nee Omwene okwa nyamukula Moses ndele ta ti: “Paife ove oto ka mona eshi handi ka ningila Farao. Osheshi molweke li neenghono ote mu lekele mu dje mo, heeno, okefininiko leke li neenghono ye ote ke mu taataa mo moshilongo.”

EXODUS 6:6

Onghee hano lombwela Ovaisraeli u tye: ‘Aame Omwene, ndele Ame ohandi ke mu kufa mo moshilonga shidjuu shOvaegipiti noku mu xupifa moupika wavo mudjuu ndele handi mu xupifa neke la yeluka nomatokolo manene,

EXODUS 6:7

Ndele handi ke mu tambula oshiwana shange naame Kalunga keni. Ndele tamu ka shiiva nokutya, Aame Omwene Kalunga keni, ou e mu pitifa mo moshilonga shidjuu shOvaegipiti.

EXODUS 13:3

Moses okwa lombwela vali ovanhu ta ti: “Dimbulukweni efiku eli mulo mwa dja mo muEgipiti, meumbo loupika. Osheshi Omwene okwe mu pitifa mo neke li neenghono. Onghee hano inamu lya omungome u nonhafi.

EXODUS 13:14

Nomumwoye omumati ngeenge te ku pula ndele ta ti: ‘Eshi otashi ti ngahelipi?’ Opo nee u noku mu nyamukula: ‘Omwene okwe tu pitifa mu Egipiti, meumbo loupika, neke li neenghono.

EXODUS 13:16

Naashi shi nokukala ngaashi edidiliko keke loye nokombada yoshipala shoye. Osheshi Omwene okwe tu pitifa muEgipiti neke li neenghono.”

OMAPSALOME 89:14

Ouyuki neyukifo, oyo efina lolukalwapangelo loye. Ouwanghenda noudiinini otau tetekelele oshipala shoye.