MIKA 1:3 - Ombibeli Iyapuki

³ Osheshi, tala, Omwene ota di mo monhele yaye ta kulukile poshi, ndele ta ende kombada yoikulundudu yedu.

MIKA 1:3 Referans Kwoze

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!

JESAJA 26:21

Osheshi tala, Omwene ta ka fikama a dje monhele yaye nonghone, a ka pule oilonga ii yoonakukala kombada yedu, nedu eli la pona ohonde otali i holola, ndele itali tuvike vali oonakudipawa valo.

DEUTERONOMION 32:13

Oye okwe mu endifa koikulundudu yedu ndele ye okwa lya oilya yomapya. Ndele okwe mu nyamifa omaadi eenyiki memanya nomaadi omomamanya makukutu,

HABAKUK 3:19

Omwene Kalunga Oye eenghono dange. Ye ota pameke eemhadi dange ngaashi omakondo omenye ndele Ye ota endifile nge koikulundudu yange. Komukwatelikomesho wovaimbi: eimbilo eli nali imbwe nouxumbafeta.

OMAPSALOME 115:3

Kalunga ketu, omeulu ngaho e li; ashishe eshi a hala, ote shi longo nee.

HESEKIEL 3:12

Opo nee Omhepo ya yelula nge po, ndele nda uda konima yange ondaka inene tai ndunduma tai ti: “Efimano lOmwene nali hambelelwe monhele yalo!”

JESAJA 25:10

Osheshi eke lOmwene otali ka kala kombada yomhunda ei. Ndelenee Moab ota ka lyataulilwa ponhele yaye, ngaashi oimbodi tai lyataulilwa melambo.

JOB 40:12

Tala, ovaninipiki u va wilife poshi, ovahenakalunga va teyaula monhele tuu oyo ve li mo.

DEUTERONOMION 33:29

Akutu Israel, oove omunelao! Olyelye e ku fa? Oshiwana sha xupifwa kOmwene, oshikelelifo shekwafo loye, ou eongamukonda lounene woye, onghee ovatondadi voye aveshe tave likoko ndele tave liyandje mepangelo loye. Ndelenee ove to ka enda koikulundu yavo.”

SAKARIA 14:4

Mefiku tuu olo eemhadi daye tadi kala ofika kOmhunda yEemono i li popepi naJerusalem kombinga yokoushilo. Omhunda yEemono tai ka tukauka pokati koushilo fiyo okouninginino, i ninge efilu linene, ndele ombinga imwe yomhunda tai ka kandukila koumbangalanhu, nombinga ikwao yomhunda koumbuwanhu.

AMOS 9:5

Heeno, Omwene Kalunga komatanga ovakwaita ota kumu edu, olo tali kakama (hengumuka po) ndele aveshe ava ve li kombada yalo ohava nyika oufiye; ndele tali ke litumba naashishe shi li mo, ngaashi Nil nokushuna mo ngaashi omeva omulonga waEgipiti.