MATEUS 9:4 - Ombibeli Iyapuki

⁴ Ndele Jesus eshi a shiiva omadiladilo avo okwa tya kuvo: “Otamu diladilile shike owii momitima deni?

MATEUS 9:4 Referans Kwoze

LUKAS 6:8

Ndele ye okwa li e shii omadiladilo avo, ndele ta ti komulumenhu, ou e neke la fya: “Fikama u ehene oku.” Ou okwa fikama ndele te uya po.

MATEUS 12:25

Ndelenee Oye a li e wete omadiladilo avo, ndele ta ti kuvo: “Okeshe tuu oshilongo tashi litwile ondubo musho vene, otashi teka po, nongaashi kaku noshilando ile eumbo tali litwile ondubo mulo vene tali kala po.

EHOLOLO 2:23

novana vaye ohandi va dipaa po sheke. Omaongalo aeshe notaa ka shiiva Aame ou, handi konakona eefiyo nomitima, ndele handi pe keshe umwe shi fike poilonga yaye.

JOHANNES 16:30

Paife otu shi shii, oinima aishe Ove ou i shii, Ove ino pumbwa umwe e ku pule sha. Onghee hatu itavele, Ove wa dja muKalunga.”

LUKAS 11:17

Ndele Ye eshi kwa li e wete omadiladilo avo okwe va lombwela: “Keshe tuu oshilongo ngeenge shi nondubo musho vene, otashi hanauka po, nongulu otai wile ikwao.

OMAPSALOME 139:2

nande ndi li omutumba, ile nda fikama, owe shi shiiva; omadiladilo ange ou a uditile kokule;

OMAPSALOME 44:21

ngeno Kalunga ine shi tenheneka poluhaela mbela? Osheshi Oye omukonakoni woiholekwa yomutima.

OILONGA YOVAYAPOSTOLI 5:9

Ndele Petrus okwe mu lombwela: “Oshike mwa udafana okushinda Omhepo Iyapuki yOmwene? Tala, eemhadi daava va ka paka omulumenhu woye, odi li poshivelo vo otave ku twala ko.”

JOHANNES 16:19

Ndele Jesus eshi a koneka vo va hala oku mu pula, okwa tya kuvo: “Otamu pulafana eshi nda tya: ‘ope nokafimbo kaxupi, ndele itamu mono nge, ndele ope na vali okafimbo kaxupi, ndele tamu mono nge?’

JOHANNES 6:64

Ndelenee mokati keni omu na vamwe ihava itavele. Osheshi Jesus okwa li a shiiva pehovelo, oolyelye ava ihava itavele, nalyelye ou te ke mu kengelela.”

JOHANNES 6:61

Ndelenee Jesus eshi a li e shi shii muye mwene nokutya, ovalongwa vaye ve di ngongotela, okwa tya kuvo: “Eshi oshe mu ningifa omwenyo mwii?

JOHANNES 21:17

Oye ta ti kuye lutitatu: “Simon omona waJohannes, ou hole nge tuu?” Petrus okwa nyika oluhodi eshi te mu pula olutitatu: “Ove ou hole nge?” Ndele ta ti kuye: “Omwene, oinima aishe ove u i shii, ou shi shii ondi ku hole.” Jesus ta ti kuye: “Lifa eedi dange.

LUKAS 5:22

Ndele omadiladilo avo eshi Jesus kwa li e a shii, okwe va nyamukula ta ti: “Tamu diladila shike momitima deni?

MARKUS 12:15

Ndele Ye okwa shiiva oihelele yavo, ndele ta ti kuvo: “Oshike tamu yeleke nge ngaha? Eteleni nge odenari, ndi i tale.”

MARKUS 2:8

Jesus okwe shi koneka diva momhepo yaye kutya, vo ove lidiladilila ngaha, ndele okwa tya kuvo: “Oshike tamu diladilile eshi momitima deni?

LUKAS 7:40

Ndele Jesus okwe mu nyamukula ta ti: “Simon, ondi na ondjovo oku ku lombwela.” Ye okwa tya: “Omuhongi, popya.”

HESEKIEL 38:10

Omwene Kalunga ota ti ngaha: “Mefiku tuu olo omadiladilo taa ka penduka momutima woye, ndele to ka uka euko lii,