MATEUS 9:23 - Ombibeli Iyapuki

²³ Ndele Jesus eshi e uya meumbo lomukulunhu ndele ta mono oonakushika eenyalilo nongudu ya weelela.

MATEUS 9:23 Referans Kwoze

2 OMAFIMBO 35:25

Ndele Jeremia okwa tota eimbilokemo omolwaJosia. Novaimbi aveshe ovalumenhu novakainhu hava imbi Josia momaimbilokemo avo fiyo onena eli, ndele ve shi ninga onghedimhango muIsrael. Ndele tala, osho osha shangelwa mOmaimbilokemo.

OILONGA YOVAYAPOSTOLI 9:39

Ndele Petrus okwa fikama ndele ta i pamwe navo. Ye eshi a fika ko, vo ove mu twala mondjuwo inya yokombada, ovafiyekadi aveshe ove uya kuye, tava lili, ndele tave mu ulikile eembidja neehema odo Dorkas e di hondja, eshi a li puvo.

LUKAS 7:32

Vo ova fa ounona ve li omutumba poilandelo, tava ingidafana ndele tava ti: ‘Otwe mu shikila eenyalilo, nye inamu tutula oudano; notwa imba omaimbilo eenghali, ndele onye inamu lila.’

MATEUS 11:17

ndele tava ti: ‘Ofye otwe mu shikila eenyalilo, nye inamu tutula oudano, notwa imba omaimbilo eenghali, ndele onye inamu lila.’

JEREMIA 16:6

Ovakulunhu nounona ove nokufila medu eli, itava ka pakwa. Itava ka lilwa eenghali. Kape na ou te va lile eenghali ile te likululile omapalu omolwavo.

HESEKIEL 24:17

Tula oshenyo poshi. Ino lila eefya. Djala embale loye loshivilo komutwe, djala eenghaku keemhadi. Ino uvika omilungu deni ndele ino lya omungome tau etwa kovanhu.”

OILONGA YOVAYAPOSTOLI 20:10

Opo nee Paulus okwa londolokela poshi, te liwilike kuye, e mu papatela ndele ta ti: “Inamu piyaana, omwenyo waye omo u li muye.”

EHOLOLO 18:22

Ndele mwoove itamu udika vali eshiko lonyalilo nondaka yovaimbi noyovashiki veefilita novomanghuma, noitamu monika vali nande omunongo wakeshe tuu oshilonga shounongo, mwoove itamu udika nande vali omufindo wemanya loshini.